Diagramy zasajźiś
Maśo rozdźělne metody, aby nowy diagram napórał:
-
Zasajźćo diagram na zakłaźe datow z celow w Calc abo Writer.
Toś te diagramy se awtomatiski aktualizěruju, gaž se žrědłowe daty změnjaju.
-
Zasajźćo diagram ze standardneju sajźbu datow a wužywajśo pón dialog „Datowa tabela“, aby swójske daty za ten diagram zapódał.
Toś te diagramy daju se we Writer, w Impress a w Draw napóraś.
-
Kopěrujśo diagram z Calc abo Writer do drugego dokumenta.
Toś te diagramy su momentowe wobraze datow pśi kopěrowanju. Njezaměnjaju se, gaž se žrědłowe daty změnjaju.
W Calc jo diagram objekt w tabeli, kótaryž dajo se kopěrowaś a do drugeje tabele samskego dokumenta zasajźiś, datowy rěd wóstanjo z wobceŕkom w drugej tabeli zwězany. Jolic se do drugego dokumenta Calc zasajźujo, ma swójsku diagramowu datowu tabelu a njejo wěcej z originalnym wobceŕkom zwězany.
Diagram w tabelowem dokumenśe Calc
-
Klikniśo w celowem wobceŕku, kótaryž se ma we wašom diagramje pśedstajiś.
-
Klikniśo na symbol Diagram zasajźiś w symbolowej rědce Standard.
Wiźiśo diagramowy pśeglěd a diagramowy asistent.
-
Slědujśo instrukcijam w diagramowem asistenśe, aby diagram napórał.
Diagram w tekstowem dokumenśe Writer
W dokumenśe Writer móžośo diagram na zakłaźe gódnotow w tabeli Writer zasajźiś.
-
Klikniśo do tabele Writer.
-
Wubjeŕśo Zasajźiś – Diagram….
Wiźiśo diagramowy pśeglěd a diagramowy asistent.
-
Slědujśo instrukcijam w diagramowem asistenśe, aby diagram napórał.
Diagram na zakłaźe swójskich gódnotow
-
Wubjeŕśo we Writer, w Draw abo w Impress Zasajźiś – Diagram…, aby diagram na zakłaźe standardnych datow zasajźił.
-
Móžośo standardne datowe gódnoty změniś, gaž na diagram klikaśo a pón Naglěd – Datowa tabela… wuběraśo.