Zatwarjonu pomoc instalěrowaś
Instrukcije za instalěrowanje zatwarjoneje pomocy wót metody wótwisujo, kótaraž se za instalěrowanje LibreOffice na wašom rěźe wužywa. Źiwajśo na dwě slědujucej wašnje póstupowanja:
-
Instalacija z oficielnymi binarnymi datajami, kótarež wót boka LibreOffice ześěgnuś dostanjośo.
-
Instalacija z pomocu repozitorijow tśeśich póbitowarjow. To pśedewšym źěłowe systemy Linux pśitrjefijo, kótarež swójske pakety wuźaržuju.
Toś to rozpokazanje instrukcije za instalaciju zatwarjoneje pomocy za pakety wopśimujo, kótarež se pśez Ubuntu a Fedora k dispoziciji stajaju. Jolic se waša instalaciska metoda how njewobjadna, stajśo se z wobstararjami paketow do zwiska, kótarež su na wašom systemje instalěrowane.
Wót oficielnego boka ześěgnjenjow instalěrowaś
Instrukcije w toś tom wótrězku su pśigódne, gaž jo se LibreOffice instalěrował z oficielnymi binarnymi datajami. Pśewjeźćo slědujuce kšace, aby instalacisku dataju za zatwarjonu pomoc offline dostał:
-
Woglědajśo se k bokoju LibreOffice ześěgnuś.
-
Zawěsććo, až waš aktualny źěłowy system jo we wótrězku wubrany.
-
Klikniśo na wótkaz a składujśo binarnu dataju na swójom rěźe.
Nježli až na wótkaz klikaśo, zawěsććo, až pominana rěc jo wubrana. Klikniśo na , jolic drugu rěc žycyśo.
Windows
Wócyńśo městno, do kótaregož jo se ześěgnuła binarna dataja .msi a wuwjeźćo instalaciski program. Slědujśo instrukcijam instalaciskego programa.
MacOS
Wócyńśo městno, do kótaregož jo se ześěgnuła binarna dataja .dmg a wuwjeźćo instalaciski program. Gaž se instalaciske wokno pokazujo, śěgniśo a pušććo symbol LibreOffice na symbol .
Instalaciski program DEB
Instalaciski program .deb jo za distribucije Linux na zakłaźe Ubuntu myslony a jo ako skompriměrowana dataja .tar.gz k dispoziciji.
Ześěgniśo dataju .tar.gzna waš rěd a ekstrahěrujśo ju. Dataja .deb jo w zarědniku z mjenim DEBS.
Wócyńśo nałoženje , wužywajśo pśikaz cd, aby k zarědnikoju nawigěrował, źož jo dataja .deb a wuwjeźćo slědujucy pśikaz:
$ sudo dpkg -i libobasis7.6-dsb-help_7.6.4.1-1_amd64.deb
Mě ześěgnjoneje dataje wersijowy numer wopśimujo, togodla móžo se wopšawdne datajowe mě wót pśikłada górjejce rozeznawaś.
Instalaciski program RPM
Instalaciski program .rpm jo za distribucije Linux na zakłaźe Red Hat myslony a jo ako skompriměrowana dataja .tar.gz k dispoziciji.
Ześěgniśo dataju .tar.gz na swój rěd a ekstrahěrujśo ju. Dataja .rpm jo w zarědniku z mjenim RPMS.
Wócyńśo nałoženje , wužywajśo pśikaz cd, aby k zarědnikoju nawigěrował, źož jo dataja .rpm a wuwjeźćo slědujucy pśikaz:
$ sudo rpm -i libobasis7.6-dsb-help-7.6.4.1-1.x86_64.rpm
Startujśo pó instalaciji LibreOffice znowego, aby zatwarjonu pomoc wužywał.
Z repozitorijow tśeśich póbitowarjow instalěrowaś
Distribucije Linux zwětšego swójske pakety LibreOffice k dispoziciji stajaju, togodla se instalaciska metoda zatwarjoneje pomocy pó distribuciji rozeznawa.
Slěduju instalaciske instrukcije za pakety pomocy, kótarež Ubuntu a Feodora k dispoziciji stajatej.
Distribucije na zakłaźe Ubuntu
Wócyńśo nałoženje a wuwjeźćo slědujucy pśikaz (w slědujucem pśikłaźe se zatwarjona pomoc „dsb“ instalěrujo):
$ sudo apt install libreoffice-help-dsb
Fedora
Wócyńśo nałoženje a wuwjeźćo slědujucy pśikaz (w slědujucem pśikłaźe se zatwarjona pomoc „dsb“ instalěrujo):
$ sudo dnf install libreoffice-langpack-dsb
Pakety Snap
Paket Snap LibreOffice se z pśedinstalěrowaneju zatwarjoneju pomocu w rozdźělnych rěcach k dispoziciji staja.