Łamanja smužkow do celow zasajźiś

Łamanja smužkow do celow tabelowych dokumentow LibreOffice Calc zasajźiś

Aby łamanje smužki do cele tabelowego dokumenta zasajźił, tłocćo +Enter.

To jano funkcioněrujo, gaž kursor za wobźěłanje teksta jo w celi, nic na zapódawańskej smužce. Klikniśo pótakem nejpjerwjej dwójcy do cele, a pón jaden raz na tekstowej poziciji, źož se ma smužka łamaś.

Móžośo znamuško noweje smužki w dialogu Pytaś a wuměniś pytaś, gaž z \n ako regularny wuraz pytaśo. Móžośo tekstowu funkciju ZNAMUŠKO(10) wužywaś, aby znamuško noweje smužki do tekstoweje formule zasajźił.

Cele LibreOffice Calc za awtomatiske łamanje smužkow formatěrowaś

Wubjeŕśo cele, kótarež se maju awtomatiski łamaś.
Wubjeŕśo Format – Cele… – rejtarik: Wusměrjenje.
Wubjeŕśo Tekst awtomatiski łamaś.

Za awtomatiske łamanje smužkow w XLS-datajach měli se wótpowědne smužki na optimalnu wusokosć stajiś.

Łamanja smužkow do tabelow tekstowych dokumentow LibreOffice Writer zasajźiś

Aby łamanje smužki do tabeloweje cele tekstowego dokumenta zasajźił, tłocćo tastu Enter.

Awtomatiske łamanje smužki se zasajźijo, gaž wušej kóńca kuždeje cele pišośo.

Wusměrjenje