Ramiki za tabele a tabelowe cele definěrowaś

Pśeddefiněrowany ramikowy stil nastajiś

1. Wubjeŕśo tabelowe cele, kótarež cośo změniś.

2. Klikniśo na symbol Ramiki w symbolowej rědce Tabela (Writer) abo na rědce Linija a połnjenje, aby wokno Ramiki wócynił.

3. Klikniśo na jaden z pśeddefiněrowanych ramikowych stilow.

   To aktualnemu ramikowemu stiloju tabelowych celow wubrany stil pśidawa. Wubjeŕśo prozny ramikowy stil górjejce nalěwo we woknje Ramiki, aby wšykne ramikowe stile wulašował.

Swójski ramikowy stil nastajiś

1. Wubjeŕśo tabelowe cele, kótarež cośo změniś.

2. Wubjeŕśo Tabela – Kakosći… – rejtarik: Ramiki (Writer) abo Format – Cele… – rejtarik: Ramiki (Calc).

3. Wubjeŕśo we wobceŕku Swójski kšomy, źož maju se w zgromadnem wugótowanju zjawiś. Klikniśo na kšomu w pśeglěźe, aby wuběrk kšomy pśešaltował.

4. Jolic wěcej ako jadnu smužku abo jaden słup wuběraśo, móžośo linije mjazy smužkami abo słupami změniś. Wubjeŕśo srjejźne marki we wobceŕku Swójske.

5. Wubjeŕśo linijowy stil a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.

6. Wóspjetujśo slědnej dwa kšaca za kuždu ramikowu kšomu.

7. Wubjeŕśo wótkłon mjazy ramikowymi linijami a wopśimjeśim boka we wobceŕku Nutśikowny wótkłon.

8. Klikniśo na W pórěźe, aby změny nałožył.