Ramiki za wótstawki definěrowaś

Pśeddefiněrowany ramikowy stil nastajiś

  1. Stajśo kursor do wótstawka, za kótaryž cośo ramik definěrowaś.

  2. Wubjeŕśo Format – Wótstawk… – rejtarik: Ramiki.

  3. Wubjeŕśo jaden ze standardnych ramikowych stilow we wobceŕku Standard.

  4. Wubjeŕśo linijowy stil, šyrokosć a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.

  5. Wubjeŕśo wótkłon mjazy ramikowymi linijami a wótstawkowym wopśimjeśim we wobceŕku Nutśikowny wótkłon. Móžośo jano wótkłony ku kšomam změniś, kótarež ramikowu liniju maju.

  6. Klikniśo na W pórěźe, aby změny nałožył.

Swójski ramikowy stil nastajiś

  1. Wubjeŕśo Format – Wótstawk… – rejtarik: Ramiki.

  2. Wubjeŕśo we wobceŕku Swójski kšomy, źož maju se w zgromadnem wugótowanju zjawiś. Klikniśo na kšomu w pśeglěźe, aby wuběrk kšomy pśešaltował.

  3. Wubjeŕśo linijowy stil, šyrokosć a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.

  4. Wóspjetujśo slědnej dwa kšaca za kuždu ramikowu kšomu.

  5. Wubjeŕśo wótkłon mjazy ramikowymi linijami a wótstawkowym wopśimjeśim we wobceŕku Nutśikowny wótkłon. Móžośo jano wótkłony ku kšomam změniś, kótarež ramikowu liniju maju.

  6. Klikniśo na W pórěźe, aby změny nałožył.

Pšosym pódprějśo nas!