Wokna pokazaś, pśidokowaś a schowaś
Někotare wokna w LibreOffice su pśidokujobne, na pśikład wokno Nawigatora. Móžośo toś te wokna pśesunuś, jich wjelikosć změniś abo je na kšomje pśidokowaś.
Wokna pśidokowaś a wótdokowaś
Aby wokno pśidokował, pśewjeźćo jaden z dweju kšacowu:
-
Śěgniśo wokno z jogo titeloweju rědku do boka, abo
-
Klikniśo dwójcy w proznem wobceŕku wokna, mjaztym až tastu stłoconu źaržyśo.Klikniśo we woknje Pśedłogi dwójcy na šery źěl wokna pódla symbolow, mjaztym až tastu stłoconu źaržyśo. Abo tłocyśo +Umsch (⇧)+F10.
Toś te metody daju se teke wužywaś, aby tuchylu pśidokowane wokno wótdokowali.
Pśidokowane wokna pokazaś a schowaś
Klikniśo na tłocašk na kšomje pśidokowanego wokna, aby pśidokowane wokno pokazał abo schował. Funkcija Awtomatiske schowanje wam zmóžnja, schowane wokno nachylu pokazaś, gaž na jogo kšomu klikaśo. Gaž do dokumenta klikaśo, se pśidokowane wokno znowego schowajo.
