Awtomatiske spóznawanje URL znjemóžniś

Gaž tekst zapódawaśo, LibreOffice słowo awtomatiski spóznawa, kótarež jo snaź URL a wuměnja słowo z hyperwótkazom. LibreOffice hyperwótkaz z direktnymi pismowymi atributami (z barwu a pódšmarnjenim), kótarychž kakosći z wěstych znamjenjowych pśedłogow póchadaju.

Slědujuce teksty se do hyperwótkazow pśetwórjuju:

Tekst	Awtomatiski skorigěrowany hyperwótkaz
E-mailowe adrese	x@x, mailto:x
Webadrese	http://x, https://x, www.x.x
Datajowe adrese	file://x, ftp://x, smb://x

pśi cymž x jo jadno znamuško abo su někotare znamuška.

Jolic njocośo, až LibreOffice URL awtomatiski pśi pisanju spóznawa, maśo někotare móžnosći, aby toś tu funkciju znjemóžnił.

Spóznaśe URL anulěrowaś

1. Gaž pišośo a zawupytnjośo, až jo se tekst awtomatiski do hyperwótkaza pśetwórił, tłocćo +Z, aby toś to formatěrowanje anulěrował.

2. Jolic toś to pśetwórjenje akle pózdźej zawupytnjośo, wubjeŕśo hyperwótkaz, wócyńśo kontekstowy meni a wubjeŕśo Hyperwótkaz wótwónoźeś.

Spóznawanje URL znjemóžniś

1. Zacytajśo dokument typa, za kótaryž cośo spóznaśe URL změniś.

   Jolic cośo spóznaśe URL za tekstowe dokumenty změniś, wócyńśo tekstowy dokument.

2. Wubjeŕśo Rědy – Awtomatiska korektura – Nastajenja awtomatiskeje korektury….

3. Wubjeŕśo rejtarik Nastajenja w dialogu Awtomatiska korektura.

4. Jolic kokulku pśed URL spóznaś wótwónoźujośo, se słowa wěcej z hyperwótkazami awtomatiski njewuměnjaju.

   W LibreOffice Writer stej dwa kontrolnej kašćika pśed nastajenim URL spóznaś. Kašćik w prědnem słupje jo za póznjejše wobźěłanje a kašćik w drugem słupje jo za awtomatisku korekturu pśi zapódaśu.