Awtomatiske redigěrowanje
Wužywajśo awtomatiske redigěrowanje, aby słowa a mustry definěrował, kótarež se awtomatiski za redigěrowanje markěruju.
Awtomatiske redigěrowanje redigěrowanje dokumentow LibreOffice wólažcujo, kótarež tekstowe wótrězki wopśimuju, kótarež muse se sensibelnosći abo priwatnosći dla schowaś.
Toś ta funkcija se w dokumentach ako wužytna wopokazujo, kótarež někotare mjenja a druge wósobinske informacije (na pś. kreditowe kórty, telefonowe numery atd.) wopśimuju. Manuelne redigěrowanje toś tych źělow dokumenta by se bejny zasajźonk pominał, awtomatiske redigěrowanje pak móžo toś ten nadawk na eficientnjejšu wašnju docyniś.
Cele napóraś
Cele su pšawidła a mustry, kótarež awtomatiske redigěrowanje wužywa, aby źěle dokumenta namakało, kótarež se maju za redigěrowanje markěrowaś.
Aby nowy cel napórał, klikniśo na tłocašk .
Dialog Cel pśidaś se zjawijo, aby wam zmóžnił, Mě za nowy cel definěrowaś a teke jogo Typ a Wopśimjeśe wubraś. Dajo tśi typy celow, kótarež móžośo z wuběrańskeje lisćiny Typ wubraś:
-
Tekst: Awtomatiske redigěrowanje za wšymi wustupowanjami pódanego teksta pyta a markěrujo je, aby je k njepóznaśeju cyniło.
-
Regularny wuraz: Definěrujśo regularny wuraz, aby jen wužywał, aby dokument pśepytał. Wšykne wótpowědniki se za redigěrowanje markěruju.
-
Pśeddefiněrowany: Wubjeŕśo pśeddefiněrowane regularny wuraze, aby wopśimjeśe ako numery kreditowych kórtow, e-mailowe adrese a tak dalej awtomatiski k njepóznaśeju cynił.
Pśidajśo wšykne cele, kótarež cośo na swój dokument nałožyś a klikniśo na W pórěźe. To dokument w LibreOffice Draw ako kreslanku ze wšymi celami wócynja, kótarež se z rědom Pšawokutne redigěrowanje awtomatiski k njepóznaśeju cynje.
Pókšacujśo z redigěrowanim dalšnych źělow generěrowanego dokumenta a śišććo jen abo eksportěrujśo jen ako PDF.
Glejśo bok pomocy Lisćina regularnych wurazow, aby wěcej wó tom zgónił, kak móžośo regularne wuraze w LibreOffice wužywaś.
Cele eksportěrowaś a importěrowaś
Klikniśo na tłocašk Cele składowaś, aby wšykne definěrowane cele w dokumenśe ako dataju JSON (JavaScript Object Notation) składował.
Klikniśo na tłocašk Cele zacytaś, aby cele, kótarež su w dataji JSON importěrował a na drugi dokument LibreOffice nałožył.
Cele za awtomatiske redigěrowanje dokumenta se gromaźe z dokumentom składuju. Togodla su w dokumenśe k dispoziciji, za tym až sćo jen składował a zacynił.