Asistent Eurokonwerter

Pśetwórjujo pjenjezne sumy w dokumentach LibreOffice Calc a w pólach a tabelach LibreOffice Writer do eurow.

Jano zacynjone dataje se pśetwórjuju. Jo pak móžno, eurokonwerter we wócynjonem dokumenśe LibreOffice Calc wužywaś. W toś tom paźe se separatny dialog wócynja. Toś ten dialog se na kóńcu toś togo wótrězka wopisujo.

Wobměra

Jadnotliwy dokument LibreOffice Calc

Pśetwórjujo jadnotliwu dataju LibreOffice Calc. Aby póla a tabele w LibreOffice Writer pśetwórił, markěrujśo nejpjerwjej kontrolny kašćik Teke póla a tabele w tekstowych dokumentach pśetwóriś.

Cełkowny zapis

Pśetwórjujo wšykne dokumenty a pśedłogi LibreOffice a LibreOffice Writer we wubranem zapisu.

Pjenjeze

Pódawa pjenjeze, kótarež se maju do eurow pśetwóriś.

Žrědłowy zapis/Žrědłowy dokument

Pódawa zapis abo mě jadnotliwego dokumenta, kótaryž se ma pśetwóriś.

…

Wócynja dialog za wuběranje póžedanego zapisa abo dokumenta.

Inkluziwnje pódzarědniki

Pódawa, lěc se maju wšykne pódzarědniki wubranego zapisa zapśimjeś.

Teke póla a tabele w tekstowych dokumentach pśetwóriś

Pśetwórjujo pjenjezne sumy z pólow a tabelow dokumentow LibreOffice Writer.

Tabelowy šćit bźez pšašanja wótpóraś

Pódawa, až tabelowy šćit se za pśetwórjenje znjemóžnja a pó tom zase zmóžnja. Jolic tabelowy šćit gronidło wužywa, buźośo dialog za zapódawanje gronidła wiźeś.

Celowy zapis

Pódawa zarědnik a sćažku, w kótarymaž se maju dataje składowaś.

…

Wócynja dialog, w kótaremž móžośo zapis wubraś, w kótaremž se maju pśetwórjone dataje składowaś.

Pśetergnuś

Zacynja eurokonwerter.

Pomoc

Aktiwěrujo pomoc za dialog.

Pśetwóriś

Startujo pśetwórjenje.

Za pśetwórjenje se bok z póstupowym statusom pokazujo.

Slědk

Wrośa se k prědnemu bokoju eurokonwertera.

Jolic aktualny dokument jo dokument abo pśedłoga LibreOffice Calc, móžośo eurokonwerter z pomocu wótpowědnego symbola w symbolowej rědce Rědy wuwołaś. Toś ten symbol jo pó standarźe schowany. Aby symbol eurokonwertera pokazał, klikniśo na šypku na kóńcu symboloweje rědki Rědy, wubjeŕśo pśikaz Widobne tłocaški a aktiwěrujśo symbol Eurokonwerter.

Dialog Eurokonwerter slědujuce funkcije wopśimujo:

Ceły dokument

Pśetwórjujo ceły dokument.

Pjenjeze

Pódawa pjenjeze, kótarež se maju do eurow pśetwóriś.

Wuběrk

Wubjeŕśo cele, kótarež cośo w toś tom wobceŕku pśetwóriś, jolic njejsćo markěrował kontrolny kašćik Ceły dokument. Wubjeŕśo nastajenje a klikniśo pón na póžedane zapiski w pólu Pśedłogi resp. Pjenjezne wobceŕki. Wubrany wobceŕk buźo w dokumenśe wiźeś. Klikniśo na Pśetwóriś, aby pśetwórjenje pśewjadł.

Celowe pśedłogi

Wšykne cele z wubranymi celowymi pśedłogami se pśetwórjuju.

Pjenjezne cele w aktualnej tabeli

Wšykne pjenjezne cele w aktiwnej celi se pśetwórjuju.

Pjenjezne cele w cełem dokumenśe

Wšykne pjenjezne cele w aktiwnem dokumenśe se pśetwórjuju.

Wubrany wobceŕk

Wšykne pjenjezne cele we wobceŕku, kótarež se wuběra, nježli až jo se konwerter wuwołał, se pśetwórjuju. Wšykne cele muse samski format měś, aby se mógli ako wubrany wobceŕk spóznaś.

Pśedłogi / Pjenjezne wobceŕki

Pokazujo wobceŕki, kótarež se maju z lisćiny wubraś.