Asistent dnjownego pórěda

Startujo asistent, aby wam pomagał, pśedłogu dnjownego pórěda napóraś. Móžośo dnjowny pórěd wužywaś, aby diskusijne temy za konference a zmakanja pódał.

LibreOffice pśikładowu pśedłogu za dnjowne pórědy bitujo, kótaruž móžośo swójim pótrjebam pśiměriś. Asistent wjele wugótowańskich a designowych nastajenjow za napóranje dokumentowych pśedłogow póbitujo. Pśeglěd wam zaśišć dawa, kak buźo dokóńcony dnjowny pórěd wuglědaś.

W asistenśe móžośo swóje zapiski a nastajenja kuždy cas změniś. Móžośo teke ceły bok abo samo wšykne boki pśeskócyś. W toś tom paźe se aktualne (abo standardne) nastajenja dalej wužywaju.

Slědk

Wrośa se k wuběrkam, kótarež su se pśewjadli na pjerwjejšnem boku. Aktualne nastajenja dalej statkuju. Toś ten tłocašk buźo jano wót drugego boka aktiwny.

Dalej

Asistent aktualne nastajenje składujo a pśejźo k pśducemu bokoju. Gaž slědny bok dojśpijośo, buźo toś ten tłocašk inaktiwny.

Dokóńcyś

Asistent pó wašych wuběrkach dokumentowu pśedłogu napórajo a składujo ju na wašej twardej plaśe. Nowy dokument na zakłaźe pśedłogi se w źěłowem wobceŕku zjawijo, z datajowym mjenim „Bźez titela X“ (X jo awtomatiski numer).