Listowy asistent

Startujo asistent za listowu pśedłogu. Móžośo toś tu pśedłogu za wobchodowu ako teke priwatnu korespondencu wužywaś.

Pśistup k toś tomu pśikazoju …

Wubjeŕśo Dataja – Asistenty – List….Wubjeŕśo Dataja – Asistenty – List… – rejtarik: Design boka.

LibreOffice pśikładowe pśedłogi za priwatne abo wobchodowe listy bitujo, kótarež móžośo z pomocu asistenta swójim pótrjebnosćam pśiměriś. Asistent wam kšac pó kšacu pśez napóranje dokumentoweje pśedłogi wjeźo a bitujo wjele wugótowanjow a designowych móžnosćow. Pśeglěd wam zaśišć dawa, kak buźo dokóńcony list pó wašych wubranych nastajenjach wuglědaś.

W asistenśe móžośo swóje zapiski a nastajenja kuždy cas změniś. Móžośo teke ceły bok abo samo wšykne boki asistenta pśeskócyś. W toś tom paźe se aktualne (standardne) nastajenja wužywaju.

Listowy asistent – design boka

Pódawa, lěc cośo wósobinski abo wobchodowy list napóraś. Nastajenja, kótarež su na slědujucych bokach k dispoziciji, wót wašogo wuběrka wótwisuju.

Jolic wobchodny list pišośo, móžośo wjele elementow wubraś, aby je w swójim dokumenśe wužywał, kótarež se zwětšego na priwatne listy njenałožuju, na pśikład smužka Tema. Jolic nastajenje Wósobinski list wuběraśo, se někotare boki, kótarež specifiske elementy wobchodowych listow wopśimuju, do dialoga asistenta njezapśijimuju.

Listowy asistent – wugótowanje listoweje papjery

Zmóžnja wam, elementy pódaś, kótarež su južo na wašej listowej papjerje naśisćane. Te elementy se njeśišće, a rum, kótaryž zabjeru, se pśez śišćak prozny wóstaja.

Listowy asistent – wuśišćane elementy

Definěrujo elementy, kótarež ma listowa pśedłoga wopśimowaś.

Listowy asistent – dostawaŕ a wótpósłaŕ

Pódawa informacije wó wótpósłarju a dostawarju.

Listowy asistent – nogowa smužka

Pódawa informacije, kótarež se maju do nogoweje smužki zapśimjeś.

Listowy asistent – mě a městno

Pódawa, źož a z kótarym mjenim cośo dokument a pśedłogu składowaś.

Slědk

Zmóžnja wam, wuběrki pokazaś, kótarež sćo cynił w pjerwjejšnych kšacach. Aktualne nastajenja se składuju.

Dalej

Składujo aktualne nastajenja a pśejźo k pśiducemu bokoju.

Dokóńcyś

Asistent pó wašych wuběrkach nowu dokumentowu pśedłogu napórajo a składujo ju na wašej twardej plaśe. LibreOffice nowy dokument na zakłaźe eksistěrujucych pśedłogow z mjenim „Bźez titela X (X za bpókšacujuce numerěrowanje stoj) napórajo a pokazujo jen w źěłowem woceŕku.

LibreOffice aktualne nastajenja w asistenśe pó wubranej pśedłoze składujo. Toś te nastajenja se ako standardne nastajenja wužywaju, gaž asistent pśiducy raz startujośo.