Wuběrański modus

Standardny wuběrk

To jo standardny wuběrk za tekstowe dokumenty. Z tastaturu daju se wuběrki z pomocu Umsch (⇧)+nawigaciska tasta (šypkowe tasty, Pos1, Ende, Bild ↑, Bild ↓) pśewjasć. Klikniśo z myšku do teksta, źož se ma wuběrk zachopiś, źaržćo lěwu tastu myški tłoconu a gibśo ku kóńcoju. Pušććo tastu myški na kóńcu wuběrka.

Wuběrk rozšyriś

Wužywajśo myšku, šypkowe tasty abo tasće Pos1 a Ende, aby aktualny wuběrk rozšyrił abo pśirězał. Gaž něźi w teksće klikaśo, se region mjazy aktualneju poziciju kursora a poziciju kliknjenja wuběrka.

Źaržćo tastu Umsch tłoconu, aby nachylu modus Wuběrk rozšyriś aktiwěrował.

Wuběrk pśidaś (Umsch (⇧)+F8)

Wužywajśo toś ten modus, aby někotare tekstowe wobceŕki wubrał. Kuždy nowy wuběrk z myšku abo tastaturu se ako nowy wuběrk pśidawa.

Źaržćo tastu Strg tłoconu, aby nachylu modus Wuběrk pśidaś aktiwěrował.

Blokowy wuběrk (+Umsch (⇧)+F8)

Wužywajśo toś ten modus, aby njezwisujucy tekstowy blok wubrał.

Źaržćo tastu Alt tłoconu, aby nachylu modus Blokowy wuběrk aktiwěrował.