Zasunjenja, kšomy a słupy nastajiś
Móžośo zasunjenja a kšomy za aktualny wótstawk abo za wšykne wubrane wótstawki z myšku nastajiś.
Jolic bok do słupow rozdźělujośo, abo se kursor do wěcejsłupikojtego wobłuka staja, móžośo słupowu šyrokosć a słupowy wótkłon změniś, gaž je na linealu z myšku nastajaśo.
Gaž se objekt, wobraz abo kresleński objekt wuběra, buźośo ramiki objekta w linealu wiźeś. Móžośo ramiki změniś, gaž je na linealu z myšku śěgaśo.
Jolic se kursor do tabeloweje cele staja, móžośo zasunjenja za wopśimjeśe cele změniś, gaž je z myšku na linealu śěgaśo. Móžośo wobgranicowańske linije tabele na linealu změniś abo wobgranicowańsku liniju samu śěgnuś.
Toś tej symbola lěwe zasunjenje za prědnu smužku aktualnego wótstawka (górny tśirožk) a lěwe zasunjenje za druge linki wótstawka (dolny tśirožk) markěrujotej.
Toś ten symbol napšawo wót lineala pšawe zasunjenje aktualnego wótstawka markěrujo.
|
Nadawk |
Póstupowanje |
|
Lěwe zasunjenje nastajiś |
Śěgniśo dolnu lěwu marku napšawo, mjaztym až tastu myški tłoconu źaržyśo. |
|
Lěwe zasunjenje prědneje smužki nastajiś |
Śěgniśo górnu lěwu marku napšawo, mjaztym až tastu myški tłoconu źaržyśo. |
|
Pšawe zasunjenje nastajiś |
Śěgniśo marku napšawo nalěwo, mjaztym až tastu myški tłoconu źaržyśo. |
Aby lěwe zasunjenje zachopinajucy z drugeju smužku wótstawka změnił, źaržćo tastu tłoconu, klikniśo na tśirožk dołojce nalěwo a śěgniśo jen napšawo.
Južo nastajone tabulatory (↹) se njezměnjaju, gaž wótstawk nutś suwaśo. Jolic se nastajone tabulatory zwenka kšomow wótstawka kóńce, se wóne wěcej njepokazuju, ale južo eksistěruju.