Sortěrowański pórěd

Pódawa sortěrowańske kriterije za pokazanje datow.

Mjaztym až funkcije Stupajucy sortěrowaś a Wóstupujucy sortěrowaś jano pó jadnom kriteriumje sortěrujotej, móžośo w dialogu Sortěrowański pórěd někotare kriteriumy kombiněrowaś.

Móžośo sortěrowanje wótwónoźeś, kótarež jo se pśewjadło ze symbolom Filter/Sortěrowanje slědk stajiś.

Sortěrowanje

Wužywajśo toś ten wobceŕk, aby sortěrowańske kriteriumy zapódał. Jolic pśidatne sortěrowańske kriteriumy pód a pón zapódawaśo, se daty, kótarež nadrědowanemu kriteriumoju wótpowěduju, pó pśiducem kriteriumje sortěruju.

Jolic pólo „Pśedmě“ w stupajucem pórěźe a pólo „Familijowe mě“ we wóstupujucem pórěźe sortěrujośo, se wšykne datowe sajźby pó pśedmjenju w stupajucem pórěźe sortěruju, a pón w pśedmjenjach we wóstupujucem pórěźe pó familijowem mjenju.

Pólne mě

Pódawa pólne mě datowego póla, kótaregož wopśimjeśe sortěrowański pórěd póstaja.

Pórěd

Pódawa sortěrowański pórěd (pak stupajucy pak wóstupujucy).

a pón

Pódawa pśidatne pódrědowane sortěrowańske kriteriumy z drugich pólow.