Póla

Wubjeŕśo w dialogu Słupy datoweje banki zasajźiś Póla, aby wubrane daty ako póla do dokumenta zasajźił. Toś te póla datoweje banki ako zastupujuce symbole za jadnotliwe słupy datoweje banki funkcioněruju a daju se za serijowe listy wužywaś. Klikniśo na symbol Daty do pólow, aby wopśimjeśe pólow tuchylu wubranej datowej sajźbje pśiměrił.

Jolic se někotare datowe sajźby wuběraju, gaž funkciju Daty do teksta wuběraśo, se póla serijowych listow pó licbje datowych sadjbow zasajźuju. Mimo togo se pólny pśikaz ako „pśiduca datowa sajźba“ awtomatiski mjazy jadnotliwymi blokami pólnych pśikazow zasajźujo.

Dialog Słupy datoweje banki zasajźiś wam zmóžnja definěrowaś, kótare póla datoweje banki maju se do dokumenta zasajźiś a kak maju se wótstawki formatěrowaś.

Póla

Wužywajśo we wobceŕku Póla šypkowy tłocašk, aby tabelowe słupy datoweje banki wubrał, do kótarychž cośo pólne wopśimjeśe zasajźiś.

Słupy datoweje banki

Nalicyjo wšykne słupy tabele datoweje banki, kótarež daju se do wuběrańskego lisćinowego póla pśewześ, aby se do dokumenta zasajźili. Wubjeŕśo słupy datoweje banki, kótarež cośo do dokumenta zasajźiś.

>

Pśesuwa póla, kótarež sćo wubrał w lisćinowem póluSłupy datoweje banki, do wuběrańskego póla. Móžośo teke dwójcy na zapisk kliknuś, aby jen wubrał.

Wubraś

Nalicyjo słupy datoweje banki, kótarež sćo wubrał, aby je do dokumenta zasajźił. Móžośo how teke tekst zapódaś. Toś ten tekst se teke do dokumenta zasajźijo. Pórěd zapiskow we wuběrańskem pólu pórědoju datow w dokumenśe wótpowědujo.

Wótstawkowa pśedłoga

Pó standarźe se zasajźone wótstawki z wótstawkowymi pśedłogami formatěruju. Toś ten format zapiskoju „žeden“ w lisćinowem pólu Wótstawkowa pśedłoga wótpowědujo. Tam móžośo druge wótstawkowe pśedłogi wubraś, aby je na wótstawk nałožył, kótaryž cośo do dokumenta zasajźiś. Lisćinowe pólo k dispoziciji stojece wótstawkowe pśedłogi pokazujo, kótarež su w LibreOffice definěrowane a se w katalogu pśedłogow zastoje.