Aktiwěrowański pórěd

Wócynja dialog Tabulatorowy pórěd, aby mógał pórěd změniś, pó kótaremž wóźeńske elementy fokus dostawaju, gaž wužywaŕ tabulatorowu tastu (↹) tłocy.

Jolic formularowe elementy se do dokumenta zasajźuju, LibreOffice awtomatiski póstaja, w kótarem pórěźe móžośo se z pomocu tabulatoroweje tasty (↹) wót jadnogo do pśiducego wóźeńskego elementa gibaś. Kuždy nowy wóźeński element, kótaryž se pśidawa, se na kóńc toś togo rěda staja. W dialogu Tabulatorowy pórěd móžośo pórěd toś togo rěda swójim wósobinskim žycenjam pśiměriś.

Móžośo teke indeks wóźeńskego elementa pśez jogo specifiske kakosći definěrowaś, gaž póžedanu gódnotu pód Pórěd w dialogu Kakosći wóźeńskego elementa zapódawaśo.

Na opcisk tłocašk w kupce maśo jano pśistup pśez tabulatorowu tastu (↹), gaž se jadno z opciskich tłocaškow na „wubrany“ staja. Jolic sćo nacerił kupku opciskich tłocaškow, źož žeden tłocašk njejo na „wubrany“ stajony, njama wužywaŕ pśistup ku kupce abo jadnotliwym opciskim tłocaškam pśez tastaturu.

Wóźeńske elementy

Nalicyjo wšykne wóźeńske elementy we formularje. Toś te wóźeńske elementy daju se z tabulatorowu tastu (↹) w pódanem pórěźe wótgórjejka dołoj wubraś. Wubjeŕśo wóźeński element z lisćiny Wóźeńske elementy, aby póžedanu poziciju w tabulatorowem pórěźe pśipokazał.

Górjej

Klikniśo na tłocašk Górjej, aby wubrany wóźeński element wó jadnu poziciju wušej w tabulatorowem pórěźe pśesunuł.

Dołoj

Klikniśo na tłocašk Dołoj, aby wubrany wóźeński element wó jadnu poziciju dołoj w tabulatorowem pórěźe pśesunuł.

Awtomatiske sortěrowanje

Klikniśo na tłocašk Awtomatiske sortěrowanje, aby wóźeńske elementy pó jich poziciji w dokumenśe sortěrował.