Kresleńske funkcije pokazaś
Klikniśo, aby symbolowu rědku Rysowanka wócynił abo zacynił, źož móžośo aktualnemu dokumentoju formy, linije, tekst a legendy pśidaś.
Móžośo symbolowu rědku Kreslanka dokumentow Writer a Calc z pomocu symbola na symbolowej rědce Standard zmóžniś a znjemóžniś.
Kresleńske funkcije pokazaś
Móžośo změniś, kótare tłocaški su widobne w symbolowych rědkach. Klikniśo z pšaweju tastu na symbolowu rědku, aby pśistup k pśikazoju Widobne tłocaški měł.
Wuběrk
Zmóžnja wam, objekty w aktualnem dokumenśe wubraś. Aby objekt wubrał, klikniśo na objekt ze šypku. Aby někotare objekty wubrał, śěgniśo wuběrański wobceŕk wokoło objektow. Aby wuběrkoju objekt pśidał, tłocćo Umsch (⇧) a klikniśo pón na objekt.
Linija
Aby tekst na liniji zapódał, klikniśo dwójcy na liniju a zapódajśo tekst abo zasajźćo jen. Tekstowy směr směroju wótpowědujo, ku kótaremuž sćo śěgnuł, aby liniju kreslił. Aby liniju schował, wubjeŕśo Njewidobny w pólu Linijowy stil w symbolowej rědce Kakosći kresleńskego objekta.
Pšawokut
Kresli pšawokut tam, źož jen w aktualnem dokumenśe śěgaśo. Klikniśo tam, źož cośo rožk pšawokuta placěrowaś a rozćěgniśo jen na póžedanu wjelikosć. Aby kwadrat kreslił, źaržćo tastu Umsch (⇧) tłoconu, mjaztym až śěgaśo.
Elipsa
Kresli elipsu tam, źož ju w aktualnem dokumenśe śěgaśo. Klikniśo tam, źož cośo elipsu kresliś a rozćěgniśo ju na póžedanu wjelikosć. Aby krejz kreslił, źaržćo tastu Umsch (⇧) tłoconu, mjaztym až śěgaśo.
Polygon
Kresli liniju, kótaraž se rěd rownych linijowych segmentow zestaja. Śěgniśo, aby linijowy segment kreslił, klikniśo, aby kóńcny dypk linijowego segmenta definěrował, a śěgniśo pón, aby nowy linijowy segment kreslił. Klikniśo dwójcy, aby kreslenje linije dokóńcył. Aby zacynjonu formu napórał, klikniśo dwójcy na zachopny dypk linije.
Źaržćo tastu Umsch (⇧), mjaztym až polygon kresliśo, aby nowe dypki w kutach 45 stopnjow pozicioněrował.
Modus Dypki wobźěłaś wam zmóžnja, jadnotliwe dypki polygona interaktiwnje změniś.
Kśiwanka
Kresli gładku Bézierowu kśiwanku. Klikniśo, źož kśiwanka ma se zachopiś, śěgniśo, pušććo a gibśo pokazowak tam, źož kśiwanka ma se kóńcyś a klikniśo. Gibśo pokazowak a klikniśo znowego, aby kśiwance rowny linijowy segment pśidał. Klikniśo dwójcy, aby kreslenje kśiwanki dokóńcył. Aby zacynjonu kśiwanku napórał, klikniśo dwójcy na zachopny dypk kśiwanki. Łuk kśiwanki se pó cerje póstaja, kótaruž śěgaśo.
Wólnorucna linija
Pšužyna
Kresli elipsowy wobłuk w aktualnem dokumenśe. Aby elipsowy wobłuk kreslił, rozćěgniśo elipsu na póžedanu wjelikosć a klikniśo pón, aby startowy dypk wobłuka definěrował. Gibniśo pokazowak tam, źož cośo kóńcny dypk stajiś a klikniśo. Njetrjebaśo na elipsu kliknuś. Aby krejzowy wobłuk kreslił, źaržćo tastu Umsch (⇧) tłoconu, mjaztym až śěgaśo.
Elipsowy wurězk
Kresli wupołnjonu formu, kótaraž se pśez wobłuk elipse a dwě radiusowej liniji definěrujo, w aktualnem dokumenśe. Aby elipsowy wurězk kreslił, rozćěgniśo elipsu na póžedanu wjelikosć a klikniśo pón, aby prědnu radiusowu liniju definěrował. Gibniśo swój pokazowak tam, źož cośo drugu radiusowu liniju stajiś a klikniśo. Njetrjebaśo na elipsu kliknuś. Aby krejzowy wurězk kreslił, źaržćo tastu Umsch (⇧) tłoconu, mjaztym až śěgaśo.
Krejzowy segment
Kresli wupołnjonu formu, kótaryž se pśez wobłuk krejza a prěcnu liniju definěrujo, w aktualnem dokumenśe. Aby krejzowy segment kreslił, rozćěgniśo krejz na póžedanu wjelikosć a klikniśo pón, aby startowy dypk prěcneje linije definěrował. Gibniśo swój pokazowak tam, źož cośo kóńcny dypk prěcneje linije stajiś a klikniśo. Njetrjebaśo na krejz kliknuś. Aby elipsowy segment kreslił, źaržćo tastu Umsch (⇧) tłoconu, mjaztym až śěgaśo.
Tekstowa animacija
Legendy
Kresli liniju, kótaraž se na pšawokutnu legendu z horicontalnym tekstowym směrom kóńcy, źož w aktualnem dokumenśe śěgaśo. Śěgniśo pśimk legendy, aby wjelikosć legendy změnił. Aby tekst pśidał, klikniśo na kšomu legendy a zapódajśo abo zasajźćo swój tekst. Aby pšawokutnu legendu změnił, śěgniśo nejwětšy rožkowy pśimk, gaž se pokazowak do ruki změnja.
Z dataje
Ekstruziju zašaltowaś/wušaltowaś
Zmóžnja/Znjemóžnja 3D-efekty za wubrane objekty.
Ekstruziju pśešaltowaś
Wertikalne legendy
Kresli liniju, kótaraž se na pšawokutnu legendu z wertikalnym tekstowym směrom kóńcy, źož w aktualnem dokumenśe śěgaśo. Śěgniśo pśimk legendy, aby wjelikosć legendy změnił. Aby tekst pśidał, klikniśo na kšomu legendy, a zapódajśo abo zasajźćo pón swój tekst. Aby pšawokutnu legendu do kulowateje legendy změnił, śěgniśo nejwětšy rožkowy pśimk, gaž se pokazowak do ruki změnja. To jo jano k dispoziciji, gaž pódpěra za aziske rěcy jo zmóžnjona.
Wertikalny tekst
Kresli tam tekstowe pólo z wertikalnym tekstowym směrom, źož w aktualnem dokumenśe klikaśo abo śěgaśo. Klikniśo něźi w dokumenśe a zapódajśo abo zasajźćo pón swój tekst. Móžośo teke kursor tam gibaś, źož cośo tekst pśidaś, śěgniśo tekstowe pólo a zapódajśo abo zasajźćo pón swój tekst. To jo jano k dispoziciji, gaž pódpěra za aziske rěcy jo zmóžnjona.