Writing aids
Select the user-defined dictionaries and set the rules for the spellchecking.
Wužywaŕske słowniki
Nalicyjo k dispoziciji stojece wužywaŕske słowniki. Markěrujśo wužywaŕske słowniki, kótarež cośo za pšawopis a źělenje złožkow wužywaś.
Nowy
Wócynja dialog Nowy słownik, w kótaremž móžośo nowy swójski słownik abo słownik wuwześow pomjeniś a rěc pódaś.
Nowy słownik
We wótrězku Słownik móžośo nowy swójski słownik abo słownik wuwześow pómjeniś a rěc pódaś.
Mě
Pódawa mě nowego swójskego słownika. Datajowa kóńcowka „*.DIC“ se awtomatiski pśipowjesyjo.
Rěc
Móžośo wěstu rěc wubraś, aby wužywanje swójskego słownika wobgranicował. Aby swójski słownik njewótwisnje wót aktualneje rěcy wužywał, wubjeŕśo Wšykne.
Wuwześa (-)
Pódawa, lěc cośo se wěstych słowow w swójich dokumentach wobinuś. Tak móžośo swójski słownik wšych słowow napóraś, kótarychž se maju wobinuś. Jolic toś ten słownik wuwześow jo zmóžnjony, dostanjośo za pšawopisnu kontrolu wótpowědnu powěźeńku wó słowach, kótarychž se maju wobinuś.
Wobźěłaś
Wócynja dialog Swójski słownik wobźěłaś, w kótaremž móžośo swójskemu słownikoju zapiski pśidaś abo eksistěrujuce zapiski wobźěłaś.
W dialogu Swójski słownik wobdźěłać maśo móžnosć, nowe zapśimjeśa zapódaś abo eksistěrujuce zapiski wobźěłaś. Jolic słownik wuwześow wobźěłujośo, se dialog wó móžnosć rozšyrjujo, wuwześe za słowo definěrowaś. Za pšawopisnu kontrolu se pón toś to wuwześe ako naraźenje nalicyjo.
Gaž se słownik wobźěłujo, se status dataje pśeglědujo. Jolic dataja jo pśeśiwo pisanjeju šćitana, njedajo se změniś. Tłocaška Nowy a Wulašowaś se pón znjemóžnjatej.
Knigły
Pódawa knigły, kótarež se maju wobźěłaś.
Lisćina ignorěrowanych słowow (Wšykne) wšykne słowa wopśimujo, kótarež su se markěrowali za pšawopisnu kontrolu z Ignorěrowaś. Toś ta lisćina jo jano za aktualnu pšawopisnu kontrolu płaśiwa.
Zapisk IgnoreAllList njedajo se wubraś a njedajo se wulašowaś. Jano słowa, kótarež su ako wopśimjeśe zapśimjone, daju se wulašowaś. To se awtomatiski kuždy raž stawa, gaž se LibreOffice zacynja.
Rěc
Pśipokazujo aktualnemu swójskemu słownikoju nowu rěc.
Słowo
Móžośo nowe słowo zapódaś, kótarež se ma do słownika zapśimjeś. W lisćinje dołojce buźośo wopśimjeśe aktualnego swójskego słownika wiźeś. Słowo, kótarež z toś teje lisćiny wuběraśo, se w tekstowem pólu pokazujo. Jolic słowo ze znamuškom = na kóńcu zapódawaśo, na pśikład „AwtoZapódaśe=“ se za toś to słowo nigda źělenje złožkow njepśewjeźo a źělenje złožkow za njo njenaraźujo. Gaž „Awto=Zapodaśe“ zapódawaśo, se źělenje złožkow tam pśewjeźo abo naraźujo, źož znamuško = zasajźujośo.
Móžośo blok [] město znamuška = wužywaś, aby znamjenjowe změny pśed złožkowym źěleńskim znamuškom pódał. Móžne znamjenjowe změny su: (1) Pśidatne znamuška, na pśikład z tug[g]gumi korektne źělenje złožkow „tugg-gummi“ šwedskego słowa „tugggummi“ slědujo. (2) Wótwónoźenje znamuška, z cyfru pódane, na pśikład paral·[1]lel ku korektnemu źělenjeju złožkow „paral- lel“ katalańskego słowa „paral·lel“ wjeźo, pśi comž se jadno znamuško pśed źěleńskim dypkom wótwónoźujo. (3) Wótwónoźone a pśidatne znamuška, na pśikład cafee[2é]tje ku korektnemu źělenjeju złožkow „café- tje“ nižozemskego słowa „cafeetje“ wjeźo, pśi comž se dwě znamušce pśed źěleńskim dypkom wótwónoźujotej a jadno pśidatne znamuško pśidawa.
Wuměniś z abo gramatika pó
Toś to zapódawańske pólo jo jano k dispoziciji, jolic słownik wuwześow abo wót rěcy swójski słownik wobźěłujośo. W słownikach wuwześow pólo alternatiwne naraźeje za aktualne słowo w tekstowem pólu „Słowo“ pokazujo. We wót rěcy wótwisnych swójskich słownikach pólo znate kórjenjowe słowo ako model afiksacije nowego słowa abo jogo wužywanje w zestarjetych słowach wopśimujo. W nimskem swójskim słowniku na pśikład nowe słowo „Litschi“ (liči) z modelowym słowom „Gummi“ (gumij) k spóznawanjeju słowow „Litschis“ (ličije), „Litschibaum“ (ličijowy bom), „Litschifrucht“ (ličijowy płod) atd. wjeźo.
Nowy
Pśidawa słowo w tekstowem pólu Słowo wašomu aktualnemu swójskemu słownikoju. Słowo w pólu Naraźenje se teke pśidawa, gaž ze słownikami wuwześow źěłaśo.