Tekstowe dataje eksportěrowaś
Dialog Tekstowe dataje eksportěrowaś wam zmóžnja, eksportowe nastajenja za tekstowe dataje póstajiś. Dialog se pokazujo, jolic daty tabelowego dokumenta ako datajowy typ „Tekst CSV“ składujośo, a jolic kontrolny kašćik Filtrowe nastajenja wobźěłaś jo w dialogu Składowaś ako markěrowany.
Pólne nastajenja
Definěrujo pólne źěleńske znamuško, tekstowe źěleńske znamuško a znamjenjowu sajźbu, kótarež se za tekstowy eksport wužywaju.
Znamjenjowa sajźba
Pódawa znamjenjowu sajźbu za tekstowy eksport.
Pólne źěleńske znamuško
Wubjeŕśo abo zapódajśo pólne źěleńske znamuško, kótarež datowe póla wótźělujo.
Tekstowe źěleńske znamuško
Wubjeŕśo abo zapódajśo tekstowe źěleńske znamuško, kótarež kužde datowe pólo wobdawa.
Celowy tekst mjazy pazorkami wudaś
Eksportěrujo wšykne tekstowe cele ze zachopinajucymi a kóńcecymi pazorkami, ako w pólu Tekstowe źěleńske znamuško pódane. Jolic to njejo zmóžnjone, se jano tekstowe cele do pazorkow stajaju, kótarež znamuško Pólne źěleńske znamuško wopśimuju.
Celowe wopśimjeśe ako pokazany składowaś
Pó standarźe se daty ako pokazane składuju, inkluziwnje nałožone licbowe formaty. Jolic kontrolny kašćik njejo markěrowany, se wopśimjeśe gropnych datow składujo - ako w staršych wersijach softwary.
Wótwisujucy wót licbowego formata mógło składowanje celowego wopśimjeśa ako pokazanego gódnoty pisaś, kótarež njedaju se wěcej za import ako numeriske gódnoty interpretěrowaś.
Kšuta słupowa šyrokosć
Eksportěrujo wšykne datowe póla z kšuteju šyrokosću.
-
Šyrokosć datowego póla w eksportěrowanej tekstowej dataji se na aktualnu šyrokosć wótpowědnego słupa staja.
-
Gódnoty se w formaśe eksportěrujo, kótaryž se tuchylu w celi pokazujo.
-
Jolic gódnota jo dlejša ako kšuta słupowa šyrokosć, eksportěrujo se ako znamjenjowy rjeśazk ###.
-
Jolic znamjenjowy rjeśazk jo dlejšy ako kšuta słupowa šyrokosć, wótrěznjo se na kóńcu.
-
Wusměrjenja nalěwo, centrěrowany a napšawo se pśez zasajźone prozne znamjenja simulěruju.