Datajowe formaty XML
LibreOffice pó standarźe dataje w datajowem formaśe OpenDocument cyta a składujo.
Datajowy format OpenDocument (ODF) jo standardizěrowany datajowy format, kótaryž se pśez wjele softwarowych nałoženjow wužywa. Móžośo na sedle Wikipedije dalšne informacije namakaś: wikipedia.org/wiki(OpenDocument.
Mjenja datajowych formatow OpenDocument
LibreOffice slědujuce datajowe formaty wužywa:
|
Dokumentowy format |
Datajowa kóńcowka |
|---|---|
|
ODF-tekst |
*.odt |
|
Tekstowa pśedłoga ODF |
*.ott |
|
Globalny dokument ODF |
*.odm |
|
Globalna dokumentowa pśedłoga ODF |
*.otm |
|
HTML-dokument |
*.html |
|
Dokumentowa pśedłoga HTML |
*.oth |
|
Tabelowy dokument ODF |
*.ods |
|
Tabelowa dokumentowa pśedłoga ODF |
*.ots |
|
Kreslanka ODF |
*.odg |
|
Kresleńska pśedłoga ODF |
*.otg |
|
Prezentacija ODF |
*.odp |
|
Prezentaciska pśedłoga ODF |
*.otp |
|
ODF-formula |
*.odf |
|
Datowa banka ODF |
*.odb |
|
Rozšyrjenje LibreOffice |
*.oxt |
HTML-format njejo format OpenDocument.
Diagram ODF jo mě datajowego format za samostatne diagramy. Toś ten format z kóńcowku *.odc se tuchylu njewužywa.
Wuwiśe formata OpenDocument
Format OpenDocument se w běgu casa wuwija.
|
ODF-wersija |
Datum pśizwólenja pśez OASIS ako standard |
Prědna pódpěrajuca wersija softwary |
|---|---|---|
|
ODF 1.0 |
2005-05-01 |
OpenOffice.org 1.1.5 abo StarOffice 7 |
|
ODF 1.1 |
2007-02-02 |
OpenOffice.org 2.2 abo StarOffice 8 Update 4 |
|
ODF 1.2 |
2011-09-30 |
OpenOffice.org 3, StarOffice 9, Oracle Open Office |
|
ODF 1.2 rozšyrjony (modus kompatibelnosći) |
— |
LibreOffice 3.5 |
|
ODF 1.2 rozšyrjony |
— |
OpenOffice.org 3.2 abo StarOffice 9.2 |
|
ODF 1.3 |
2021-06-16 |
LibreOffice 7.0 |
|
ODF 1.3 rozšyrjony |
— |
LibreOffice 7.0 |
|
ODF 1.4 |
2025-12-03 |
LibreOffice 25.2 |
|
ODF 1.4 Extended |
— |
LibreOffice 25.2 |
W aktualnych wersijach móžośo wubraś, lěc cośo swóje dokumenty w ODF 1.2 abo ODF 1.0/1.1 (za kompatibelnosć dołoj) składowaś. Wubjeŕśo a pón wersiju ODF-formata.
Struktura XML-dataje
Dokumenty w datajowem formaśe OpenDocument se ako kompriměrowane Zip-archiwy składuju, kótarež XML-dataje wopśimuju. Aby se XML-dataje woglědał, móžośo dataju OpenDocument z dekompriměrujucym programom wócyniś. Slědujuce dataje a zapise su w datajach OpenDocument wopśimjone:
-
Tekstowe wopśimjeśe dokumenta jo w dataji content.xml.
Pó standarźe se content.xml bźez formatěrowańskich elementow ako zasunjenja abo łamanja smužkow składujo, aby se cas za składowanje a wócynjanje dokumenta miniměrował. Wužywanje zasunjenjow a łamanjow smužkow dajo se w ekspertowych nastajenjach aktiwěrowaś, gaž kakosć /org.openoffice.Office.Common/Save/Document PrettyPrinting na true stajaśo.
-
Dataja meta.xml metainformacije dokumenta wopśimujo, kótarež móžośo pód Dataja – Kakosći… zapódaś.
Jolic dokument z gronidłom składujośo, se dataja meta.xml njekoděrujo.
-
Dataja settings.xml dalšne informacije wó nastajenjach za toś ten dokument wopśimujo.
-
W dataji styles.xml namakajośo pśedłogi, kótarež na dokument nałožuju a kótarež móžośo we woknje Pśedłogi wiźeś.
-
Dataja meta-inf/manifest.xml strukturu XML-dataje wopisujo.
Pśidatne dataje a zarědniki mógu w zipowanem datajowem formaśe wopśimjone byś.
Definicija XML-formatow
Šemy za formaty OpenDocument daju se na websedle www.oasis-open.org namakaś.
