Pśetwórjenje měrjeńskich jadnotkow

W někotarych dialogach móžośo měrjeńske gódnoty do zapódawańskich pólow zapódaś. Jolic jano numerisku gódnotu zapódawaśo, se standardna měrjeńska jadnotka wužywa.

Definěrujośo standardnu měrjeńsku jadnotku za tekstowe dokumenty Writer w dialogu, kótaryž w – LibreOffice Writer – Powšykne namakajośo. Za Calc, Draw a Impress wócynjaśo dokument togo typa a pón wótpowědny bok Powšykne ako za Writer.

W zapódawańskich pólach za jadnotki dłujkosći móžośo teke skrotconku jadnotki pó slědujucej lisćinje pśidaś:

Skrotconka jadnotki	Wujasnjenje
mm	Milimeter
cm	Centimeter
in abo ″	Col
pi	Pika
pt	Dypk

Slědujuce formule jadnotki pśetwórjuju:

• 1 cm = 10 mm

• 1 col = 2,54 cm

• 1 col = 6 Pika = 72 dypkow

Wócyńśo na pśikład w tekstowem dokumenśe Format – Wótstawk… – Zasunjenja a wótkłon. Aby aktualny wótstawk wó jaden col zasunuł, zapódajśo 1 in abo 1" do póla „Pśed tekst“. Aby wótstawk wó 1 cm zasunuł, zapódajśo 1 cm do zapódawańskego póla.