Cesto wužyte tłocaški
Pomoc
Klikniśo na tłocašk , aby bok pomocy wócynił, kótaryž jo z tuchylu wócynjonym dialogom zwězany.
Pśetergnuś
Gaž na Pśetergnuś klikaśo, se dialog zacynja, bźez togo aby se změny składowali.
Dokóńcyś
Nałožujo wšykne změny a zacynja asistent.
Symbolowe rědki
Gaž na šypku pódla někotarych symbolow klikaśo, se symbolowa rědka wócynja. Aby symbolowu rědku pśesunuł, śěgniśo titelowu rědku. Gaž tastu myški pušćaśo, symbolowa rědka na nowej poziciji wóstanjo. Śěgniśo titelowu rědku k drugej poziciji, abo śěgniśo ku kšomje wokna, źož se symbolowa rědka pśidokujo. Klikniśo na symbol Wokno zacyniś, aby symbolowu rědku zacynił. Wubjeŕśo Naglěd – Symbolowe rědki – (mě symboloweje rědki), aby symbolowu rědku zasej pokazał.
Wobwjertny tłocašk
-
Wobwjertny tłocašk jo kakosć licbowego, pjenjeznego, datumowego abo casowego póla pśi formularowych wóźeńskich elementach. Jolic kakosć „Wobwjertny tłocašk“ jo zmóžnjona, pólo dwa symbola ze šypkoma pokazujo, kótarež k napśeśiwnym směram pokazuju, pak wertikalnje pak horicontalnje.
-
W Basic IDE jo wobwjertny tłocašk mě za licbowe pólo z dwěma šypkowyma symboloma.
Móžośo numerisku gódnotu do póla pódla wobwjertnego tłocaška zapódaś abo gódnotu ze symboloma Šypka górjej (↑) abo Šypkadołoj (↓) na wobwjertnem tłocašku wubraś. Abo móžośo na tastaturje tasće Šypka górjej (↑) a Šypka dołoj (↓) tłocyś, aby gódnotu pówětšył abo pómjeńšył. Aby maksimalnu a minimalnu gódnotu nastajił, móžośo tasće Bild ↑ a Bild ↓ tłocyś.
Jolic pólo pódla wwobwjertnego tłocaška numeriske gódnoty akceptěrujo, móžośo teke měrjeńsku jadnotku pódaś, na pśikład 1 cm abo 5 mm, 12 pt abo 2″.
Pśetwóriś
Tak dłujko ako pó dialogu doprědka klikaśo, se toś ten tłocašk Dalej groni. Na slědnem boku ma tłocašk mě Pśetwóriś. Gaž na tłocašk klikaśo, se pśetwórjenje pśewjeźo.
Kontekstowy meni
Aby kontekstowy meni objekta aktiwěrował, klikniśo nejpjerwjej na objekt z tastu myški, aby jen wubrał a klikniśo pón znowego z tastu myški, . Někotare kontekstowe menije daju se samo wuwołaś, jolic objekt hyšći njejo wubrany. Kontekstowe menije su skóro wšuźi w LibreOffice.
Lašowaś
Wulašujo wubrany element abo elementy pó wobkšuśenju.
Lašowaś
Wulašujo wubrany element abo wubrane elementy bźez wobkšuśenja.
Metriki
Móžośo gódnoty do zapódawańskich pólow w rozdźělnych měrjeńskich jadnotkach zapódaś. Standardna jadnotka jo col. Jolic pak cośo wótkłon dokradnje 1 cm, zapódajśo „1cm“. Pśidatne jadnotki su pó konteksće k dispoziciji, na pśikład 12 pt za wótkłon 12 dypkow. Jolic gódnota noweje jadnotki njejo realistiska, program pśeddefiněrowanu maksimalnu abo minimalnu gódnotu wužywa.
Zacyniś
Zacynja dialog a składujo wšykne změny.
Zacyniś
Zacynja dialog.
Nałožyś
Nałožujo změnjone abo wubrane gódnoty, bźez togo aby se dialog zacynił.
Toś to nastajenje se jano za wótstawkowe pśedłogi, wobceŕkowe pśedłogi a pśedłogi bokow zjawijo.
Toś to nastajenje se jano za wótstawkowe pśedłogi a znamjenjowe pśedłogi zjawijo.
Pómjeńšyś / Pówětšyś
Klikniśo na symbol Pómjeńšyś, aby dialog na wjelikosć zapódawańskego póla pómjeńšył. Jo pón lažčej, póžedany póśěg w tabeli markěrowaś. Symbol se awtomatiski do symbola Pówětšyś pśetwórjujo. Klikniśo na njen, aby dialog na jogo spócetnu wjelikosć wótnowił.
Dialog se awtomatiski miniměruje, gaž z myšku do tabele klikaśo. Gaž tastu myški pušćaśo, se dialog wótnowijo a póśěghowy wobceŕk, kótaryž jo z myšku definěrowany, se w dokumenśe pśez módry ramik wuzwigujo.
Pómjeńšyś
Pówětšyś
Pólo pśeglěda
Pokazujo pśeglěd aktualnego wuběrka.
Pśeglěd
Dalej
Klikniśo na tłocašk Dalej a asistent aktualne dialogowe nastajenja wužywa a k pśiducemu kšacoju póstupujo. Jolic sćo dojśpił slědny kšac, toś ten tłocašk se Napóraś groni.
Dialogowe tłocaški
Slědk stajiś
Staja změnjone gódnoty na pjerwjejšne gódnoty rejtarika slědk.
Pśetergnuś
Zacynja dialog a zachyśijo wšykne změny.
W pórěźe
Składujo wšykne změny a zacynja dialog.
Slědk stajiś
Staja změny slědk, kótarež su se pśewjadli w aktualnem rejtariku, na te nastajenja, kótarež do togo su byli we wócynjonem dialogu.
Slědk stajiś
Staja změny, kótarež su se pśewjadli w aktualnem rejtariku, na te nastajenjaslědk, kótarež su byli płaśiwe pśi wócynjanju toś togo dialoga. Wobkšuśeńske napšašowanje se njezjawijo, gaž dialog zacynjaśo.
Standard
Staja gódnoty, kótarež su w dialogu widobne, na gódnoty standardneje instalacije slědk.
Wobkšuśenje se njezjawijo, daniž standardne gódnoty njejsu znowego zacytali.
Pśetergnuś
Zacynja dialog a zachyśijo změny we wšych rejtarikach. Jolic jo se Nałožyś wužył, se změny pó slědnej wužywanju tłocaška Nałožyś zachyśiju.
Slědk stajiś
Staja změnjone gódnoty w aktualnem rejtariku na gódnoty slědk, kótarež su płaśili pśi wócynjanju dialoga. Jolic se Nałožyś wužywa, nježli až dialog zacynjaśo, se gódnoty na te slědk stajaju, kótarež su se wužywali pó slědnem wužywanju tłocaška Nałožyś.
Nałožyś
Nałožujo změny na wšych rejtarikach, bźez togo aby se dialog zacynił. To njedajo se z Slědk stajiś anulěrowaś.
Na nadrědowanu pśedłogu slědk stajiś
Gódnoty za aktualny rejtarik se na te stajaju, kótarež se we wótpowědnem rejtariku pśedłogu namakaju, kótaraž jo w „Zakład“w rejtariku Powšykne pódana. We wšych padach, teke gaž „Zakład“ jo „-Žeden-“, se gódnoty aktualnego rejtarika we „Wopśimujo“ wótwónoźuju.
Toś to nastajenje se jano za wótstawkowe pśedłogi, znamjenjowe pśedłogi a wobceŕkowe pśedłogi zjawijo.
Slědk
Woglědajśo se wuběrki w dialogu, kótarež su se pśewjadli w pjerwjejšnem kšacu. Aktualne nastajenja njezměnjone wóstanu. Toś ten tłocašk dajo se jano wót drugego boka sem aktiwěrowaś.
Nastajenja
Klikniśo na pópisanje Nastajenja, aby dialog rozšyrił, aby dalšne nastajenja pokazał. Klikniśo znowego, aby dialog wótnowił.
Glejśo teke slědujuce funkcije:
Pytanje zastupujuce symbole abo regularne wuraze pódpěra. Ze zmóžnjonymi regularnymi wurazami móžośo „all.*“ zapódaś, aby na pśikład prědne wustupowanje „all“, slědowane wót někakich znamuškow, namakał. Jolic cośo tekst pytaś, kótaryž jo teke regularny wuraz, musyśo pak pśed kužde metaznamuško abo operator regularnego wuraza znamuško „\“ stajiś pak tekst z \Q…\E wobdaś. Móžośo awtomatiske wugódnośenje zastupujucych symbolow abo regularnych wurazow w zmóžniś abo znjemóžniś.
Gaž funkcije wužywaśo, źož se jaden argument wužywa abo někotare argumenty wužywaju, kótarež su znamjenjowe rjeśazki pytańskich kriterijow, kótarež regularny wuraz reprezentěruju, prědny wopyt jo, kriterije znamjenjowego rjeśazka do licbow pśetwóriś. „.0“ se na pśikład do 0.0 pśetwórja a tak dalej. Jolic to jo wuspěšne, njebuźo wótpowědnik wótpowědnik regularnego wuraza, ale buźo numeriski wótpowědnik. Gaž pak narodnu šemu wužywaś, źož decimalne źěleńske znamje njejo dypk, buźo pśetwórjenje regularnego wuraza funkcioněrowaś. Aby wugódnośenje regularnego wuraza město numeriskego wuraza wunuzkał, wužywajśo někaki wuraz, kótaryž njedajo se wopak ako numeriski rozměś, na pśikład „.[0]“ abo „.\0“ abo „(?i).0.
Jolic se zmólka stawa, funkcija logisku abo numerisku gódnotu wrośa.
(Toś ten pśikaz jo jano pśez kontekstowy meni k dispoziciji).
Gaž na rěd dwójcy klikaśo, móžośo jen za někotare nadawki wužywaś. Jolic rěd z jadnym kliknjenim wuwołujośo, wrośijo se pó dokóńcenju nadawka zasej k slědnemu wuběrkoju.
Tłocćo Umsch (⇧)+F1 a źaržćo pokazowak myški nad wóźeńskim elementom, aby wěcej wó toś tom wóźeńskem elemenśe zgónił.
Tłocaški dialoga Nastajenja
W pórěźe
Składujśo změny na boku a zacyńśo dialog Nastajenja.
Pśetergnuś
Zacyńśo dialog Nastajenja a zachyśćo wšykne pśewjeźone změny.
Nałožyś
Nałožujo změnjone abo wubrane gódnoty, bźez togo aby se dialog Nastajenja zacynił.
Někotare nastajenja njedaju se slědk stajiś, gaž su se wobźěłali. Stajśo pak změny manuelnje slědk pak klikniśo na Pśetergnuś a wócyńśo zasej dialog Nastajenja.