Symbolowa rědka Nastajenja
Wubjeŕśo Naglěd – Symbolowe rědki – Nastajenja, aby symbolowu rědku Nastajenja pokazał.
Nastaja kliknjeńske zaźaržanje myški, aby se wobwjertne pśimki pó kliknjenju na objekt zjawili, a klikniśo pón znowego na njen. Śěgniśo pśimk, aby objekt k póžedanemu směroju wjerśeł.
Wobwjertny modus pó kliknjenju na objekt
Zmóžnja abo znjemóžnja kśidno.
Pokazujo abo chowa pópadańske linije, aby wy mógał objekty w swójej foliji wusměriś. Aby pópadańsku liniju wótwónoźeł, śěgniśo ju z folije wen.
Pópadańske linije pokazaś
Pódawa, lěc pomocne linije maju se pśi pśesuwanju objekta pokazaś.
Pomocne linije pśi pśesuwanju
Pódawa, lěc se maju wobłuki, kresleńske elementy a wóźeńske elementy jano mjazy dypkami kśidnow pśesunuś. Aby status pópadańskego kśidna jano za aktualnu akciju změnił, śěgniśo objekt z tłoconeju tastu cmd ⌘Strg.
Pópadnjo kšomu śěgnjonego objekta k pśiducej pópadańskej liniji, gaž myšku pušćijośo.
Na pópadańskich linijach wótpópadnuś
Pódawa, lěc ma se kontura grafikowego objekta k nejblišej kšomje boka wusměriś.
Na kšomach boka wótpópadnuś
Pódawa, lěc ma se kontura grafikowego objekta ku kšomje nejblišego grafikowego objekta wusměriś.
Na objektowem ramiku wótpópadnuś
Pódawa, lěc ma se kontura grafikowego objekta k dypkam nejblišego grafikowego objekta wusměriś.
Na objektowych dypkach wótpópadnuś
Jolic zmóžnjone, móžośo tekst ned pó kliknjenju tekstowego objekta wobźěłaś. Jolic znjemóžnjone, musyśo dwójcy kliknuś, aby tekst wobźěłał.
Malsne wobźěłowanje dowóliś
Pódawa, lěc se ma tekstowe pólo wubraś, gaž na tekst klikaśo.
Jano tekstowy wobceŕk wubraś
Nastaja kliknjeńske zaźaržanje myški, aby mógał dwójcy na objekt kliknuś, aby tekst pśidał abo wobźěłał.
Klikniśo dwójcy, aby tekst pśidał
Jolic toś ten symbol jo na symbolowej rědce Nastajenja zaktiwěrowany, se objekty ze swójimi atributami pokazuju, ale z transparencu 50 %, mjaztym až je gibaśo abo kresliśo. Jolic toś ten symbol njejo zaktiwěrowany, se jano kontura pokazujo, mjaztym až kresliśo, a objekt se ze wšymi atributami pokazujo, gaž tastu myški pušćaśo.
Objekt z atributami změniś
Spušća wšykne kupki a wrośa se k normalnemu naglědoju.
