Dwa objekta pśeblendowaś

Pśi pśeblendowanju se formy napóraju a w jadnakich kšacach mjazy dwěma kreslańskima objektoma rozdźěluju.

Pśikaz za pśeblendowanje jo jano w LibreOffice Draw k dispoziciji. Móžośo pak pśeblendowane objekty do LibreOffice Impress kopěrowaś.

Źaržćo tastu Umsch (⇧) tłoconu a klikniśo na kuždy objekt.
Wubjeŕśo Forma – Pśeblendowaś.
Zapódajśo gódnotu, aby licbu objektow mjazy zachopjeńkom a kóńcom pśeblendowanja w pólu Kšace pódał.
Klikniśo na W pórěźe.

Kupka se pokazujo, kótaraž dwa spócetnej objekta a pódanu licbu (kšacow) pśeblendowanych objektow wopśimujo.

Wobraz za Pśeblendowaś

Móžośo jadnotliwe objekty kupki wobźěłaś, gaž kupku wuběraśo a F3 tłocyśo. Tłocćo +F3, aby wobźěłański modus skóńcył.