Objekty kombiněrowaś a formy twóriś
Skombiněrowane kreslańske objekty se ako zrědowane objekty zaźaržuju, jano až njamóžośo kupku zapódaś, aby jadnotliwe objekty wobźěłał.
Móžośo jano 2D-objekty kombiněrowaś.
Aby 2D-objekty kombiněrował:
-
Wubjeŕśo dwa 2D-objekta abo wěcej.
-
Wubjeŕśo Forma – Kombiněrowaś.
Na rozdźěl wót kupkow skombiněrowany objekt kakosći spódnjejšego objekta w štaplowańskem pórěźe pśewzejo. Móžośo skombiněrowane objekty rozdźěliś, ale spócetne objektowe kakosći se zgubiju.
Gaž objekty kombiněrujośo, se źěry pokazuju, źož se objekty pózakšywaju.
We wobrazu su njekombiněrowane objekty nalěwo a skombiněrowane objekty napšawo.
Fórmy twóriś
Móžośo formy twóriś, gaž pśikaze Formy – Zjadnośiś, Subtrahěrowaś a Prěcyś na dwa objekta abo wěcej nałožujośo.
Formowe pśikaze jano z 2D-objektami funkcioněruju.
Napórane formy kakosći spódnjejšego objekta w štaplowańskem pórěźe pśewzeju.
Aby formu twórił:
-
Wubjeŕśo dwa 2D-objekta abo wěcej.
-
Wubjeŕśo Forma a jaden ze slědujucych pśikazow:
-
Zjadnośiś
-
Subtrahěrowaś
-
Prěcyś.
Formowe pśikaze
W slědujucych wobrazach su originalne objekty nalěwo a změnjone formy napšawo.
Formy – Zjadnośiś
Pśidawa wobceŕkoju spódnjejšego objekta w štaplowańskem pórěźe wobceŕk wubranych objektow.
Formy – Subtrahěrowaś
Subtrahěrujo wobceŕk wubranych objektow wót wobceŕka spódnjejšego objekta w štaplowańskem pórěźe.
Formy – Prěcyś
Pózakšywajucy wobceŕk wubranych objektow nowu formu twóri.
Wobceŕk zwenka pózakšyśa se wótwónoźijo.