Objekty zastojaś, wusměriś a rozdźěliś

Objekty rědowaś

Kuždy objekt, kótaryž do swójogo dokumenta stajośo, se jaden za drugim na pjerwjejšnem objekśe štaplujo. Aby štaplowański pórěd wubranego objekta změnił, póstupujśo tak:

1. Klikniśo na objekt, kótaregož poziciju cośo změniś.

2. Wubjeŕśo Forma – Zrědowanje, aby kontekstowy meni pokazał a wubjeŕśo jaden ze slědujucych móžnosćow:

   Cele doprědka objekt pśede wšymi drugimi objektami placěrujo

   Doprědka objekt wó jadnu rowninu doprědka w štapjelu objektow placěrujo

   Naslědk objekt wó jadnu rowninu naslědk w štapjelu objektow placěrujo

   Cele naslědk objekt za wšymi drugimi objektami placěrujo

   Za objekt objekt za drugi, wubrany objekt placěrujo

Objekt za drugi objekt stajiś

1. Klikniśo na objekt, kótaregož poziciju cośo změniś.

2. Wubjeŕśo Forma – Zrědowanje – Za objekt. Špěrka myški se do ruki změnijo.

3. Klikniśo na objekt, za kótarymž cośo wubrany objekt placěrowaś.

Štaplowański pórěd dweju objektowu pśewobrośiś

1. Źaržćo tastu Umsch (⇧) tłoconu a klikniśo na wobej objekta, aby jej wubrał.

2. Wubjeŕśo Forma – Zrědowanje – Wuměniś.

Objekty wusměriś

Funkcija Wusměrjenje wam zmóžnja, objekty w poměrje jadnogo k drugemu abo k bokoju wusměriś.

1. Wubjeŕśo objekt, aby jen na boku wusměrił abo wubjeŕśo někotare objekty, aby je w poměrje jadnogo k drugemu wusměrił.

2. Wubjeŕśo Forma – Objekty wusměriś a wubjeŕśo jadnu wusměrjeńskich móžnosćow.

Objekty rozdźěliś

Jolic tśi objekty abo wěcej objektow w Draw wuběraśo, móžośo teke pśikaz Wuběrk rozdźěliś, aby wertikalny a horicontalny wótkłon jadnak mjazy objektami rozdźělił.

1. Wubjeŕśo tśi objekty abo wěcej objektow, aby je rozdźělił.

2. Wubjeŕśo Forma – Rozdźěliś.

3. Wubjeŕśo móžnosć za horicontalne a wertikalne rozdźělenje a klikniśo na W pórěźe.

Wubrane objekty se spóromje horicontalneje abo wertikalneje wóski jadnak rozdźěluju. Dwa nejdalšnej objekta se ako referencnej dypka wužywatej a se njepśesuwatej, gaž se pśikaz Rozdźěliś nałožujo.