Rozpšawniski nawigator

Móžośo wócyniś wokno Rozpšawniski nawigator rozpšawniskego designera wócyniś, gaž Naglěd – Rozpšawniski nawigator wuběraśo.

Rozpšawniski nawigator strukturu rozpšawy pokazujo. Móžośo rozpšawniski nawigator wužywaś, aby funkcije do rozpšawy zasajźił.

Klikniśo na zapisk w rozpšawniskem nawigatorje. Wótpowědny objekt abo wobceŕk se w naglěźe rozpšawniskego designera wuběra. Klikniśo z pšaweju tastu na zapisk, aby kontekstowy meni wócynił.

Funkcije do rozpšawy zapódaś

W kontekstowem meniju rozpšawniskego nawigatora wiźiśo samske pśikaze ako w naglěźe rozpšawniskego designera, mimo togo pśidatne pśikaze za napóranje a lašowanje nowych funkcijow.

Móžośo funkcije z pomocu syntakse zapódaś, ako jo w naraźenju OpenFormula pódana.

Glejśo wikibok wó Base za pomoc nastupajucy funkcije w rozpšawje.

Sumu za kuždego kupca wulicyś

  1. Wócyńśo rozpšawniski nawigator.

  2. Wócyńśo zapisk Kupki a kupku, za kótaruž cośo kosty wulicyś.

    Kupka ma pódzapisk z mjenim Funkcije.

  3. Wócyńśo kontekstowy meni z pšawym kliknjenim na zapisk funkcije, napórajśo nowu funkciju a wubjeŕśo ju.

    We wobglědowaku kakosćow wiźiśo funkciju.

  4. Změńśo mě na pśikład do KalkulacijaKostow a formulu do [KalkulacijaKostow] + [mě słupa kostow].

  5. Zapódajśo 0 ako zachopnu gódnotu.

  6. Něnto móžośo tekstowe pólo zasajźiś a na swóju [KalkulacijaKostow] pśiwězaś (zjawijo se w lisćinowem pólu Datowe pólo).

Snaź musyśo zachopnu gódnotu na gódnotu póla ako [pólo] stajiś.

Jolic su prozne póla w słupje kostow, wužywajśo slědujucu formulu, aby wopśimjeśe proznych pólow z nulu wuměnił:

[SumaKostow] + IF(ISBLANK([pólo]);0;[pólo])

Pšosym pódprějśo nas!