Wótpšašowański asistent

Wótpšašowański asistent – Pólny wuběrk

Pódawa tabelu, za kótaruž se ma wótpšašowanje napóraś a kótare póla cośo do wótpšašowanja zapśimjeś.

Wótpšašowański asistent – Sortěrowański pórěd

Pódawa sortěrowański pórěd za datowe sajźby we wašom wótpšašowanju.

Wotpšašowański asistent – Pytańske wuměnjenja

Pódawa pytańske wuměnjenja za filtrowanje wótpšašowanja.

Wótpšašowański asistent – Drobnostki abo zespominanje

Pódawa, lěc se maju wšykne datowe sajźby wótpšašowanja pokazaś abo jano wuslědki agregatnych funkcijow.

Toś ten bok se jano pokazujo, gaž su numeriske póla we wótpšašowanju, kótarež wužywanje agregatnych funkcijow dowóluju.

Wótpšašowański asistent – Zrědowanje

Pódawa, lěc se ma wótpšašowanje zrědowaś. Datowe žrědło musy SQL-instrukciju „Group by clauses“ pódpěraś, aby toś ten bok asistenta zmóžniło.

Wótpšašowański asistent – Wuměnjenja zrědowanja

Pódawa wuměnjenja za rědowanje wótpšašowanja. Datowe žrědło musy SQL-instrukciju „Group by clauses“ pódpěraś, aby toś ten bok asistenta zmóžniło.

Wótpšašowański asistent – Aliase

Pśipokazujo pólnym mjenjam aliase. Aliase su opcionalne a mógu za wužywarja pśigódne mjenja k dispoziciji stajiś, kótarež se město pólnych mjenjow pokazuju. Alias na pśikład da se wužywaś, gaž póla z rozdźělnych tabelow samske mě maju.

Wótpšašowański asistent – Pśeglěd

Zapódajśo mě wótpšašowanja a pódajśo, lěc cośo wótpšašowanje pokazaś abo změniś, za tym až asistent jo skóńcony.

Slědk

Woglědajśo se wuběrki w dialogu, kótarež su se pśewjadli w pjerwjejšnem kšacu. Aktualne nastajenja njezměnjone wóstanu. Toś ten tłocašk dajo se jano wót drugego boka sem aktiwěrowaś.

Dalej

Klikniśo na tłocašk Dalej a asistent aktualne dialogowe nastajenja wužywa a k pśiducemu kšacoju póstupujo. Jolic sćo dojśpił slědny kšac, toś ten tłocašk se Napóraś groni.

Dokóńcyś

Nałožujo wšykne změny a zacynja asistent.

Pśetergnuś

Gaž na Pśetergnuś klikaśo, se dialog zacynja, bźez togo aby se změny składowali.