Makra pśenosowaś

Asistent za pśenosowanje makra dokumentow datoweje banki eksistěrujuce makra z póddokumentow stareje dataje Base do składowańskego wobceŕka makrow noweje dataje Base pśesunjo.

Dotychměst makra su směli jano w tekstowych póddokumentach formularow a rozpšawow byś. Něnto daju se makra w dataji Base samej składowaś. To groni, až makra w datajach Base daju se něnto z kuždeje ze wšych pódkomponentow wuwołaś: z formularow, rozpšawow, tabelowego nacerjenja, wótpšašowańskego nacerjenja, nacerjenja relacijow, naglěda tabelowych datow.

Njejo pak techniski móžno, makra w dataji Base a jeje póddokumentach naraz składowaś. Jolic pótakem cośo k dataji Base nowe makra pśipowjesyś, mjaztym až maju se eksistěrujuce stare makra wobchowaś, kótarež su se składli w póddokumentach,musyśo eksistěrujuce stare makra do składowańskego wobceŕka makrow dataje Base pśesunuś.

Asistent pśenosowanja makrow za dokumenty datoweje banki móžo makra do składowańskego wobceŕka dataje Base pśesunuś. Móžośo makra pśepytowaś a je wobźěłowaś, jolic trjeba.

Jo na pśikład móžno, až makra z póddokumentow su měli samske modulowe a makrowe mjenja. Za tym až sćo pśesunuł makra do zgromadnego składowańskego wobceŕka makrow, musyśo makra wobźěłaś, aby mjenja jadnorazowe byli. Asistent njamóžo to cyniś.

Asistent móžo dataju Base do drugego zarědnika pó wašej wólbje zawěsćiś. Asistent spócetnu dataju Base změnijo. Zawěsćenje njezměnjone wóstanjo.