Datowe banki w LibreOffice Base wužywaś
W LibreOffice Base móžośo pśistup k datam měś, kótarež se we wjele datajowych formatach datowych bankow składuju. LibreOffice Base pó standarźe někotare płone datajowe formaty datoweje banki pódpěra, na pśikład format dBASE. Móžośo teke LibreOffice Base wužywaś, aby z eksternymi relacionalnymi datowymi bankami z MySQL abo Oracle zwězał.
Slědujuce typy datoweje banki su w LibreOffice Base pśeśiwo pisanjeju šćitane. Z LibreOffice Base wen njejo móžno za toś te typy datoweje banki, strukturu datoweje banki změniś abo datowe sajźby datoweje banki wobźěłaś, zasajźiś a wulašowaś:
-
Dataje tabelowych dokumentow
-
Tekstowe dataje
-
Daty adresnika
Datowu banku w LibreOffice wužywaś
-
Aby nowu datowu banku napórał, wubjeŕśo Dataja – Nowy – Datowa banka.
Asistent datoweje banki wam pomaga, dataju datoweje banki napóraś, aby nowu datowu banku w LibreOffice registrěrował.
Dataja datoweje banki wótpšašowanja, rozpšawy a formulary za datowu banku wopśimujo ako teke wótkaz na datowu banku, źož se datowe sajźby składuju. Formatěrowańske informacije se teke w dataji datoweje banki składuju.
-
Aby dataju datoweje banki wócynił, wubjeŕśo Dataja – Wócyniś…. Wubjeŕśo w lisćinowem pólu Datajowy typ/Dateityp, aby jano „Dokumenty datoweje banki“ pokazał a klikniśo na Wócyniś/Öffnen.