Zwisk ODBC
Pódawa nastajenja za zwisk datowego žrědła ODBC.
Wopytajśo na platformach Solaris a Linux gónjak JDBC město gónjaka ODBC. Glejśo webbok projekta unixODBC za implementaciju ODBC na Solaris abo Linux.
Aby z datowymi bankami Microsoft Access na Windows zwězał, wužywajśo pśedewšym zwězowańske městno datoweje banki ADO abo Access město ODBC.
Gónjaki za ODBC se wót zgótowarja datoweje banki k dispoziciji staja a pódpěra. LibreOffice jano standard ODBC 3 pódpěra.
Mě datowego žrědła ODBC
Zapódajśo mě datowego žrědła ako jo se zregistrěrowało w LibreOffice.
Pśepytaś
Klikniśo, aby dialog za wuběranje datowego žrědła ODBC wócynił.
Datowe žrědło wubraś
Wubjeŕśo datowe žrědło, z kótarymž cośo z pomocu ODBC zwězaś. Klikniśo pón na .
Aby datowe sajźby w tabeli datoweje banki w LibreOffice wobźěłał abo pśidał, musy tabela jadnorazowe pólo měś.