Zwisk Firebird

Pódawa nastajenja za zwězowanje z eksternymi datowymi bankami Firebird.

Nowu dataju datoweje banki Firebird napóraś

1. Wubjeŕśo Dataja – Nowy – Datowa banka a wubjeŕśo Z eksistěrujuceju datoweju banku zwězaś. Klikniśo na Dalej.

2. Klikniśo na Napóraś. Dialog Składowaś ako se wócynijo. Zapódajśo pśigódne mě a městno za dataju datoweje banki a klikniśo na Składowaś/Speichern. Sćažka noweje dataje se w tekstowem pólu asistenta pokazujo. Klikniśo na Dalej.

3. Zapódajśo na žycenje swóje wužywaŕske mě a gronidło. Klikniśo na Dalej.

4. Póstajśo swóje póžedane nastajenja wó zregistrěrowanej datowej bance a co se ma ze składowaneju datoweju banku staś a klikniśo na Dokóńcyś. Pókšacujśo, aby mě za nowu dataju LibreOffice Base zapódał.

Z eksistěrujuceju dataju datoweje banki Firebird zwězaś

1. Wubjeŕśo Dataja – Nowy – Datowa banka a wubjeŕśo Z eksistěrujuceju datoweju banku zwězaś. Klikniśo na Dalej.

2. Klikniśo na Pśepytaś a wubjeŕśo dataju Firebird (*.fdb). Klikniśo na tłocašk Wócyniś; dopołny URL k dataji datoweje banki se w tekstowem pólu pokazujo. Klikniśo na Dalej.

3. Zapódajśo na žycenje swóje wužywaŕske mě a gronidło. Klikniśo na Dalej.

4. Póstajśo swóje póžedane nastajenja wó registrěrowanju datoweje banki a co se ma ze składowaneju datoweju banku staś a klikniśo na Dokóńcyś. Pókšacujśo, aby mě za nowu dataju LibreOffice Base zapódał.

Direktnje ze serwerom Firebird zwězaś

Pśidatnje k zwiskam pśez JDBC a ODBC móžośo z nutśikownym gónjakom Firebird ze serwerom Firebird zwězaś:

1. Wubjeŕśo Dataja – Nowy – Datowa banka a wubjeŕśo Z eksistěrujuceju datoweju banku zwězaś. Klikniśo na Dalej.

2. Zapódajśo manuelnje URL zwiska datoweje banki do tekstowego póla. Muster jo <mě_serwera>/<port>:<sćažka_k_datowej_bance>, na pśikład:

   serwer1/3050:C:/data/mydatabase.fdb (źiwajśo na “/”, lěcrownož jadna se wó sćažku Windows)

   serwer1:C:/data/mydatabase.fdb (standardny port, sćažka Windows)

   localhost:/data/mydatabase.fdb (serwer localhost, standardny port, sćažka Linux)

   serwer1:mydata (standardny port, zregistrěrowana datowa banka)

3. Klikniśo na Dalej.

4. Pódajśo pśigódne wužywaŕske mě a gronidło za serwerowy zwisk. Testujśo zwisk (dopórucony) a rozwěžćo problemy, jolic dajo take. Klikniśo na Dalej.

5. Rozsuźćo, lěc cośo datowu banku registrěrowaś a což se ma z njeju cyniś, gaž jo skłaźona a klikniśo Dokóńcyś. Zapódajśo mě za nowu dataju LibreOffice Base.