Rozšyrjone kakosći
Pódawa někotare nastajenja za datowu banku.
Wubjeŕśo we woknje datoweje banki Wobźěłaś – Datowa banka – Kakosći… a klikniśo na rejtarik Rozšyrjone kakosći
K-dispoziciji-byśe slědujucych wóźeńskich elementow wót typa datajoweje banki wótwisujo:
Sćažka k datajam dBASE
Zapódajśo sćažku k zapisoju, kótaryž dataje dBASE wopśimujo.
Zawěsććo, až se datajowa kóńcowka *.dbf datajow dBASE z małymi pismikami pišo.
Pśepytaś
Wócynja dialog, źož móžośo dataju abo zapis wubraś.
Zwisk testowaś
Testujo zwisk datoweje banki z aktualnymi nastajenjami.
Sćažka k tekstowym datajam
Zapódajśo sćažku k zarědnikoju tekstowych datajow.
Sćažka k tabelowemu dokumentoju
Zapódajśo sćažku k tabelowemu dokumentoju, kótaryž cośo ako datowu banku wužywaś.
Mě datowego žrědła ODBC na wašom systemje
Zapódajśo mě datowego žrědła ODBC.
Wužywaŕske mě
Zapódajśo wužywaŕske mě, kótarež jo za pśistup k datowej bance trjebne.
Gronidło trjebne
Jolic toś to nastajenje jo zmóžnjone, se wužywarja napomina, gronidło zapódaś, kótarež jo trjebne za pśistup k datowej bance.
Mě datoweje banki
Zapódajśo mě datoweje banki.
Mě datoweje banki MySQL
Zapódajśo mě datoweje banki MySQL, kótaruž cośo ako datowe žrědło wužywaś.
Mě datoweje banki Oracle
Zapódajśo mě datoweje banki Oracle, kótaruž cośo ako datowe žrědło wužywaś.
Dataja datoweje banki Microsoft Access
Zapódajśo mě datoweje banki Microsoft Access, kótaruž cośo ako datowe žrědło wužywaś.
Hostmě
Zapódajśo hostmě za datowe žrědło LDAP.
URL datowego žrědła
Zapódajśo městno datowego žrědła JDBC ako URL.
Klasa JDBC-gónjaka
Zapódajśo mě klase gónjaka JDBC, kótaraž z datowym žrědłom zwězujo.
Klasu testowaś
Testujo zwisk datoweje banki pśez klasu JDBC-gónjaka.
Datowu banku wubraś
Wubjeŕśo datowu banku z lisćiny abo klikniśo na Napóraś, aby nowu datowu banku napórał.