Pśidatne nastajenja
Pódawa pśidatne nastajenja za datowe žrědło.
Wubjeŕśo we woknje datoweje banki Wobźěłaś – Datowa banka – Kakosći… a klikniśo na rejtarik Pśidatne nastajenja
K-dispoziciji-byśe slědujucych wóźeńskich elementow wót typa datoweje banki wótwisujo:
Hostmě
Zapódajśo hostmě serwera, kótaryž datowu banku wopśimujo, na pśikład ldap.server.com.
Portowy numer
Zapódajśo portowy numer za serwer, kótaryž datowu banku wopśimujo.
Gónjakowa klasa MySQL JDBC
Zapódajśo mě gónjaka JDBC za datowu banku MySQL.
Znamjenjowa sajźba
Wubjeŕśo znamjenjowu sajźbu, kótaruž cośo wužywaś, aby datowu banku w LibreOffice pokazał. Toś to nastajenje se na datowu banku njewustatkujo. Aby standardnu znamjenjowu sajźbu źěłowego systema wužywał, wubjeŕśo „System“.
Tekstowe datowe banki a datowe banki dBASE su na znamjenjowe sajźby z kšuteju znamjenjoweju dłujkosću wobgranicowane, źož wšykne znamuška su ze samskeju licbu bajtow skoděrowane.
Gónjakowa klasa Oracle JDBC
Zapódajśo mě gónjaka JDBC za datowu banku Oracle.
Nastajenja gónjaka
Pódajśo pśidatne nastajenja gónjaka.
Katalog za na dataji bazěrowane datowe banki wužywaś
Wužywa aktualne datowe žrědło kataloga. Toś to nastajenje jo wužytne, gaž datowe žrědło ODBC jo serwer datoweje banki. Njewuběrajśo toś to nastajenje, jolic datowe žrědło ODBC jo dBASE-gónjak.
Base DN
Zapódajśo wuchadnišćo za pśepytanje datoweje banki LDAP, na pśikład dc=com.
Maksimalna licba datowych sajźbow
Zapódajśo maksimalnu licbu datowych sajźbow, kótarež cośo zacytaś, gaž pśistup k serweroju LDAP maśo.
Wulašowane datowe sajźby teke pokazaś
Pokazujo wšykne datowe sajźby w dataji, mjazy nimi te, kótarež su se wulašowali. Jolic toś ten kontrolny kašćik wuběraśo, njamóžośo datowe sajźby wulašowaś.
W formaśe dBASE wulašowane datowe sajźby w dataji wóstanu.
Aby změny pokazał, kótarež sćo pśewjadł w datowej bance, zacyńśo zwisk z datoweju banku a zwěžćo znowego z datoweju banku.
Indekse
Wócynja dialog „Indekse“, źož móžośo tabelowe indekse w aktualnej datowej bance dBASE organizěrowaś.
Tekst głowowe smužki wopśimujo
Wubjeŕśo toś ten kontrolny kašćik, jolic prědna smužka tekstoweje dataje pólne mjenja wopśimujo.
Źěleńske znamuško pólow
Zapódajśo abo wubjeŕśo znamuško, kótarež datowe pólne w tekstowej dataji wótźělujo.
Źěleńske znamuško teksta
Zapódajśo abo wubjeŕśo znamuško, kótarež tekstowe pólo w tekstowej dataji identificěrujo. Njamóžośo samske znamuško ako źěleńske znamuško pólow wužywaś.
Decimalne źěleńske znamuško
Zapódajśo abo wubjeŕśo znamuško, kótarež se ako decimalne źěleńske znamuško w tekstowej dataji wužywa, na pśikład dypk (0.5) abo komu (0,5).
Źěleńske znamuško tysacawkow
Zapódajśo abo wubjeŕśo znamuško, kótarež se ako źěleńske znamuško tysacowkow w tekstowej dataji wužywa, na pśikład koma (1,000) abo dypk (1.000).
Datajow kóńcowka
Wubjeŕśo format za tekstowu dataju. Datajowa kóńcowka, kótaruž wuběraśo, se na někotare ze standardnych nastajenjow w toś tom dialogu wustatkujo.