SQL-instrukciju wuwjasć

Wócynja dialog, źož móžośo SQL-pśikaz za administraciju datoweje banki.

Pśistup k toś tomu pśikazoju …

Wubjeŕśo w datajowem woknje datoweje banki Rědy – SQL….

Móžośo w toś tom dialogu jano administraciske pśikaze zapódaś, na pśikład „Grant“, „Create Table“ abo „Drop Table“, ale nic filtrowe pśikaze. Pśikaze, kótarež móžośo zapódaś, wót datowego žrědła wótwisuju, dBASE, na pśikład, móžo jano někotare z how naliconych SQL-pśikazow wuwjasć.

Aby SQL-wótpšašowanje za filtrowanje datow w datowej bance wuwjadł, wužywajśo naglěd Wótpšašowańske nacerjenje.

Pśikaz, kótaryž ma se wuwjasć

Zapódajśo administraciski SQL-pśikaz, kótaryž cośo wuwjasć.a

Na pśikład za datowe žrědło „Bibliografija“ móžośo slědujucy SQL-pśikaz zapódaś:

SELECT "Adresa" FROM "biblio" "biblio"

Za dalšne informacije wó SQL-pśikazach glejśo dokumentaciju, kótaraž z datoweju banku pśiźo.

SQL-pśikaz direktnje wuwjasć

W modusu Natiwny SQL móžośo SQL-pśikaze zapoódaś, kótarež se pśez LibreOffice njeinterpretěruju, se pak město togo direktnje datowemu žrědłoju pśepódawaju. Jolic toś te změny w naceŕbowem naglěźe njepokazujośo, njamóžośo se k naceŕbowemu naglědoju wrośiś.

Wudaśe instrukcijow "select" pokazaś

Pokažćo wuslědk pśikaza SQL SELECT we wudawańskem pólu.

Wuwjasć

Wuwjeźo pśikaz, kótaryž sćo zapódał w pólu Pśikaz, kótaryž se ma wuwjasć.

Pjerwjejšne pśikaze

Nalicyjo do togo wuwjeźone SQL-pśikaze. Aby pśikaz znowego wuwjadł, klikniśo na pśikaz a pón na Wuwjasć.

Status

Pokazujo status, mjazy nimi zmólki, wuwjeźonego SQL-pśikaza.

Wudaśe

Pokazujo wuslědki SQL-pśikaza, kótaryž sćo wuwjadł.

Zacyniś

Zacynja dialog.