Słupy pśipokazaś

We wobglědowaku datowych žrědłow móžośo tabelu kopěrowaś, gaž tabelu do tabelowego kontejnera śěgaśo a pušćaśo. Jolic kontrolny kašćik Daty pśipowjesyś na prědnem boku dialoga Tabelu kopěrowaś wuběraśo, se dialog Słupy pśipokazaś ako druge wokno wócynijo. Móžośo toś ten dialog wužywać, aby drugemu datowemu póloju w celowej tabeli wopśimjeśe datowego póla w žrědłowej tabeli pśirědował.

Žrědłowa tabela

Nalicyjo datowe póla w žrědłowej tabeli. Aby datowe pólo ze žrědłoweje tabele do celoweje tabele pśewzeł, wubjeŕśo kontrolny kašćik pśed mjenim datowego póla. Aby drugemu datowemu póloju w celowej tabeli wopśimjeśe datowego póla w žrědłowej tabeli pśirědował, klikniśo na datowe pólo w lisćinje žrědłoweje tabele a klikniśo na šypku górjej (↑) abo dołoj (↓). Aby wšykne žrědłowe datowe póla do celoweje tabele pśewzeł, klikniśo na Wšykne.

Celowa tabela

Nalicyjo móžne datowe póla w celowej tabeli. Jano datowe póla, kótarež su w žrědłowej tabeli wubrane, se do celoweje tabele pśewzeju.

górjej

Giba wubrany zapisk wó jadnu poziciju w lisćinje górjej.

dołoj

Giba wubrany zapisk wó jadnu poziciju w lisćinje dołoj.

wšykne

Wuběra wšykne datowe póla w lisćinje.

žedne

Znjemóžnja wšykne kontrolne kašćiki w lisćinje.