Tabelowe nacerjenje

We woknje Tabelowe nacerjenje definěrujośo nowe tabele abo wobźěłujośo strukturu eksistěrujuceje tabele.

Wokno ma swójsku menijowu rědku. Wopśimujo teke slědujucy nowy pśikaz: Indeksowe nacerjenje

Wobceŕk definicije tabele

W toś tom wobceŕku definěrujośo tabelowu strukturu.

Pólne mě

Pódawa mě datowego póla. Modul datowego banka dłujkosć tabelowego mjenja a wužywanje wósebnych znamuškow a proznych znamjenjow w tabelowem mjenju wobgranicujo.

Pólny typ

Pódawa pólny typ. K dispoziciji stojece pólne typy su pśez wužyty modul datoweje banki wobgranicowane.

Wopisanje

Pódawa opcionalne wopisanje za kužde pólo.

Smužkowe głowy slědujuce pśikaze kontekstowego menija wopśimuju:

Wustśigowaś

Wustśigujo wubranu smužku do mjazywótkłada.

Kopěrowaś

Kopěrujo wubranu smužku do mjazywótkłada.

Zasajźiś

Zasajźujo wopśimjeśe do mjazywótkłada.

Wulašowaś

Wulašujo wubranu smužku.

Smužki zasajźiś

Zasajźujo proznu smužku nad aktualneju smužku, jolic tabela njejo se składła. Zasajźujo proznu smužku na kóńcu tabele, jolic tabela jo se južo składła.

Primarny kluc

Jolic toś ten pśikaz ma kokulku, se datowe pólo ako primarny kluc definěrujo. Gaž na pśikaz klikaśo, aktiwěrujośo/deaktiwěrujośo definiciju primarneho kluca póla. Pśikaz jo jano widobny, jolic datowe žrědło primarne kluce pódpěra.

Pólne kakosći

Definěrujo pólne kakosći tuchylu wubranego póla.

Dłujkosć

Pódawa maksimalnu licbu znamuškow, kótarež su za datowy zapisk wótpowědnego datowego póla dowólone, mjazy nimi prozne znamjenja abo wósebne znamuška.

Decimalne městna

Pódawa licbu decimalnych městnow za numeriske pólo abo decimalne pólo.

Standardna gódnota

Pódawa gódnotu, kótaraž jo standard w nowych datowych sajźbach.

Formatowy pśikład

Pókazujo pśikład formatowego koda póla, gaž se na standardnu gódnotu nałožujo. Wubjeŕśo formatowy kod z tłocaškom Pólo formatěrowaś.

Pólo formatěrowaś

Toś ten tłocašk dialog Pólo formatěrowaś wócynja.

Wobceŕk pomocy

Pokazujo znamjenjowy rjeśazk pomocy abo pokaz, kótaryž designer datoweje banki jo definěrował za dane pólo.