Diagramy w LibreOffice wužywaś
LibreOffice wam zmóžnja, daty grafiski w diagramje zwobrazniś, aby mógał datowe rědy wizuelnje pśirownaś a trendy w datach wiźeś. Móžośo diagramy do tabelowych dokumentow, tekstowych dokumentow, kreslankow a prezentacijow zasajźiś.
Diagramowe daty
Diagramy mógu na slědujucych datach bazěrowaś:
-
Tabelowe gódnoty z celowych wobceŕkow Calc
-
Celowe gódnoty z tabele Writer
-
Gódnoty, kótarež do dialoga diagramoweje datoweje tabele zapódawaśo (móžośo toś te diagramy we Writer, Draw abo Impress napóraś a móžośo je teke kopěrowaś a do Calc zasajźiś).
Aby diagram zasajźił
Aby diagram wobźěłał
-
Klikniśo na diagram, aby objektowe kakosći wobźěłał:
Wjelikosć a pozicija na aktualnem boku.
Wusměrjenje, tekstowy woběg, wenkowne ramiki a wěcej.
-
Klikniśo dwójcy na diagram, aby k wobźěłowańskemu modusoju pśejšeł:
Diagramowe datowe gódnoty (za diagramy ze swójskimi datami)
Diagramowy typ, wóski, titele, kśidno a wěcej.
-
Klikniśo dwójcy na diagramowy element we wobźěłowańskem modusu:
Klikniśo dwójcy na wósku, aby skalěrowanje, typ, barwu a druge wobźěłał.
Klikniśo dwójcy na datowy dypk, aby datowy rěd wubrał a wobźěłał, ku kótaremuž datowy dypk słuša.
Wubjeŕśo datowy rěd a klikniśo pón na jadnotliwy datowy dypk, aby kakosći toś togo datowego dypka wobźěłał (na pśikład jadnotliwa grěda w grědowem diagramje).
Klikniśo dwójcy na legendu, aby legendu wubrał a wobźěłał. Klikniśo a pón klikniśo dwójcy na symbol we wubranej legenźe, aby pśisłušne datowe rědy wobźěłał.
Klikniśo dwójcy na drugi diagramowy element, abo klikniśo na element a wócyńśo meni Format, aby kakosći wobźěłał.
-
Klikniśo zwenka diagrama, aby aktualny wobźěłowański modus spušćił.
Aby diagram we wusokej kwaliśe śišćał, móžośo diagram do PDF-dataje eksportěrowaś a tu dataju śišćaś.
W diagramowem wobźěłowańskem modusu wiźiśo symbolowu rědku Formatěrowanje za diagramy blisko górneje kšomy dokumenta. Symbolowa rědka Kreslanka za diagramy se blisko dolneje kšomy dokumenta zjawijo. Symbolowa rědka Kreslanka źěl symbolow ze symboloweje rědki Kreslanka z Draw a Impress pokazujo.
Móžośo z pšaweju tastu na diagramowy element kliknuś, aby kontekstowy meni wócynił. Kontekstowy meni wjele pśikazow bitujo, z kótarymiž móžośo wubrany element formatěrowaś.