Diagramowy asistent – Datowy rěd
Na toś tom boku diagramowego asistenta móžośo žrědłowy wobceŕk wšych datowych rědow separatnje změniś, inkluziwnje jich pópisanja. Móžośo teke wobceŕk kategorijow ako teke kakosći kategorijow změniś, na pśikład barwy. Móžośo nejpjerwjej datowy wobceŕk na boku datowego wobceŕka wubraś a pón njetrjebne datowe rědy wótwónoźeś abo datowe rědy z drugich celow how pśidaś.
Jolic se zda, až jo pśewjele nastajenjow na toś tom boku, definěrujśo jadnorje datowy wobceŕk pśez bok Datowy asistent – Datowy wobceŕk a pśeskócćo toś ten bok.
Toś te dialog jo jano za diagramy k dispoziciji, kótarež na tabeli Calc abo Writer bazěruju.
Datowe rědy rědowaś
W lisćinowem pólu „Datowy rěd“ wiźiśo lisćinu wšych datowych rědow w aktualnem diagramje.
-
Aby datowe rědy rědował, wubjeŕśo zapisk w lisćinje.
-
Klikniśo na „Pśidaś“, aby dalšny datowy rěd pód wubranym zapiskom pśidał. Nowy datowy rěd ma samski typ ako wubrany zapisk.
-
Klikniśo na „Wótwónoźeś“, aby wubrany zapisk z lisćiny „Datowy rěd“ wótwónoźeł.
-
Wužywajśo šypkowej tłocaška ↑ a ↓, aby wubrany zapisk w lisćinje górjej abo dołoj pśesunuł. To pórěd w tabeli datowego žrědła njezměnja, ale změnja jano zrědowanje w diagramje.
Datowe rědy wobźěłaś
-
Klikniśo na zapisk w lisćinje, aby kakosći za ten zapisk pokazał a wobźěłał.
W lisćinowem pólu „Datowe wobceŕki“ wiźiśo rolowe mjenja a celowe wobceŕki komponentow datowych rědow.
-
Klikniśo na zapisk, a wobźěłajśo wopśimjeśe dołojce w tekstowem pólu.
Pópisanje pódla tekstowego póla tuchylu wubranu rolu pódawa.
-
Zapódajśo wobceŕk abo klikniśo na Datowy wobceŕk wubraś, aby dialog miniměrował a wubjeŕśo wobceŕk z myšku.
Jolic ma datowy wobceŕk z někotarych celowych wobceŕkow wobstojaś, kótarež jaden pódla drugego njejsu, zapódajśo prědny wobceŕk a pśidajśo pón semikolon na kóńcu tekstowego póla a zapódajśo pón druge wobceŕki. Wužywajśo semikolon ako źěleńske znamuško mjazy wobceŕkami.
Wobceŕk za datowu rolu, ako Y-gódnoty, njesmějo pópisańsku celu wopśimowaś.
Datowe pópisanja wobźěłaś
-
Zapódajśo abo wubjeŕśo celowy wobceŕk, kótaryž se ako tekst za kategorije abo datowe pópisanja wužywa.
Wótwisujucy wót diagramowego typa, se teksty na X-wósce abo ako datowe pópisanja pokazuju.
Kakosći kategorijow wobźěłaś
Kuždy zapisk kategorije móžo połnjecu barwu a ramikowu barwu měś.
Móžośo kakosći połnjeceje a ramikoweje barwy kategorijow wobźěłaś. Barwy se pó wobceŕku celow ze samskeju wjelikosću wobceŕka kategorije definěruju.
Barwowe gódnoty se pśez swóje komponenty cerwjeny, zeleny a módry (RGB) zwuraznjuju, kombiněrowane pśez funkciju BARWA().
Datowe wobceŕki za ramikowu barwu a połnjecu barwu dajo se jano za słupikowe, grědowe, puchorjowe a słupikowe a linijowe diagramy pódaś.
Połnjecu barwu kategorije nastajiś
-
Klikniśo na zapisk Połnjeca barwa w lisćinje.
-
Zapódaj´do w pólu Wobceŕk za połnjecu barwu celowe wobceŕki gódnotow połnjeceje barwy kategorijow.
Ramikowu barwu kategorije nastajiś
-
Klikniśo na zapisk Ramikowa barwa w lisćinje.
-
Zapódajśo w pólu Wobceŕk za ramikowu barwu celowe wobceŕki gódnotow ramikoweje barwy kategorijow.
Pśikład
