Diagramowy asistent – datowy wobceŕk
Wócynja dialog Datowe wobceŕki, źož móžośo datowy wobceŕk a datowe rědy wobźěłaś.
Na toś tom boku diagramowego asistenta móžośo jadnotliwe žrědło za datowy wobceŕk wubraś. Toś ten wobceŕk móžo z wěcej ako jaden pšawokutnego celowego wobceŕka wobstaś.
Wužywajśo Diagramowy asistent – Datowy rěd, jolic wěcej kontrole nad datowymi wobceŕkami trjebaśo.
Toś ten dialog jo jano za diagramy k dispoziciji, kótarež na tabeli Calc abo Writer bazěruju.
Aby datowy wobceŕk pódał:
-
Wubjeŕśo datowy wobceŕk. Pśewjeźćo jaden ze slědujucych kšacow:
Zapódajśo datowy wobceŕk do tekstowego póla.
W Calc by "$Sheet1.$B$3:$B$14" pśikładowy datowy wobceŕk był. Źiwajśo na to, až datowy wobceŕk móžo se z wěcej ako jadnogo regiona w tabelowem dokumenśe zestajiś, na pś. "$Sheet1.A1:A5;$Sheet1.D1:D5" jo teke płaśiwy datowy wobceŕk.
Pśikład eksternego datowego wobceŕka by był 'file:///home/user/Documents/Price list.ods'#$'Information SKU'.H51, ako w Celu w drugej tabeli referencěrowaś wopisane.
We Writer "Table1.A1:E4" by był pśikładowy datowy wobceŕk.
Klikniśo w Calc na Datowy wobceŕk wubraś, aby dialog miniměrował a śěgniśo pón z myšku, aby datowy wobceŕk wubrał.
Jolic ma datowy wobceŕk z někotarych celowych wobceŕkow wobstajaś, kótarež jaden pódla drugego njejsu, zapódajśo prědny wobceŕk a pśidajśo pón semikolon na kóńcu tekstowego póla a zapódajśo pón druge wobceŕki. Wužywajśo semikolon ako źěleńske znamuško mjazy wobceŕkami.
-
Klikniśo na jadno z nastajenjow za datowe rědy w smužkach abo w słupach.
-
Pśeglědajśo, lěc datowy wobceŕk pópisanja w prědnej smužce abo prědnem słupje abo we wobyma ma.
W pśeglěźe móžośo wiźeś, kak buźo dokóńcony diagram wuglědaś.
Datowy wobceŕk
Zapódajśo datowy wobceŕk, kótaryž cośo do swójogo diagrama zapśimjeś. Aby toś ten dialog miniměrował, mjaztym až datowy wobceŕk w Calc wuběraśo, klikniśo na tłocašk Datowy wobceŕk wubraś.
Datowe rědy w smužkach
Datowe rědy swóje daty wót zasobu slědujucych smužkow we wubranem wobceŕku dostawaju. Za dypkowe diagramy buźo prědny datowy rěd x-gódnoty za wšykne rědy wopśimowaś. Wšykne druge datowe rědy se ako y-gódnoty wužywaju, jadna za kuždy rěd.
Datowe rědy w słupach
Datowe rědy swóje daty wót zasobu slědujucych słupow we wubranem wobceŕku dostawaju. Za dypkowe diagramy buźo prědny datowy słup x-gódnoty za wšykne rědy wopśimowaś. Wšykne druge datowe słupy se ako y-gódnoty wužywaju, jadna za kuždy rěd.
Prědna smužka ako pópisanje
Za datowe rědy w słupach: Prědna smužka we wobceŕku se ako mjenja za datowe rědy wužywa. Za datowe rědy w smužkach: Prědna smužka we wobceŕku se ako kategorije wužywa. Zbytne smužki datowe rědy wopśimuju. Jolic se toś ten kontrolny kašćik njewuběra, wšykne smužki su datowe rědy.
Prědny słup ako pópisanje
Za datowe rědy w słupach: Prědny słup we wobceŕku se ako mjenja za datowe rědy wužywa. Za datowe rědy w smužkach: Prědny słup we wobceŕku se ako kategorije wužywa. Zbytne słupy datowe słupy wopśimuju. Jolic se toś ten kontrolny kašćik njewuběra, wšykne słupy su datowe słupy.
