Diagramowy asistent – Diagramowe elementy

Na toś tom boku diagramowego asistenta móžośo diagramowe elementy wubraś, kótarež se maju pokazaś.

Aby diagramowe elementy zapódał:

Zapódajśo titele abo klikniśo na elementy, kótarež se maju w aktualnem diagramje pokazaś.

Titele

Jolic tekst za titel, pódtitel abo někaku wósku zapódawaśo, se trjebny rum za tekst rezerwěrujo, kótaryž se ma pódla diagrama pokazaś. Jolic tekst njezapódawaśo, se žeden rum njerezerwěrujo, aby wěcej ruma za pokazanje diagrama wóstało.

Njejo móžno, titelowy tekst z celu zwězaś. Musyśo tekst direktnje zapódaś.

Gaž diagram jo dokóńcony, móžośo poziciju a druge kakosći pśez meni Format změniś.

Legenda

Legenda pópisanja z prědneje smužki abo prědnego słupa abo z wobceŕka pokazujo, kótaryž sćo nastajił w dialogu Datowy rěd. Jolic waš diagram pópisanja njewopśimujo, legenda tekst ako „Smužka 1, Smužka 2, …“ abo „Słup A, Słup B, …" pó smužkowem numerje abo słupowem pismiku diagramowych datow pokazujo.

Njamóžośo tekst direktnje zapódaś, wón se awtomatiski z celowego wobceŕka Mě generěrujo.

Wubjeŕśo jadno z poziciskich nastajenjow. Gaž diagram jo dokóńcony, móžośo z pomocu menija Format druge pozicije pódaś.

Kśidna

Widobne kśidnowe linije wam pomagaju, datowe gódnoty w diagramje pógódnośiś.

Wótkłon kśidnowych linijow interwalowym nastajenjam w rejtariku „Skalěrowanje“ wóskowych kakosćow wótpowědujo.

Kśidnowe linije njejsu za krejzowe diagramy k dispoziciji.

Dalšne elementy

Wužywajśo za pśidatne elementy meni Zasajźiś diagrama we wobźěłańskem modusu. Tam móžośo slědujuce elementy namakaś:

1. Sekundarne wóski

2. Pomocne kśidna

3. Datowe pópisanja

4. Statistiske pódaśa, na pśikład pśerězne gódnoty, zmólkowe grědy Y a trendowe linije