Diagramowy typ „Krejz“

Na prědnem boku diagramowego asistenta móžośo diagramowy typ wubraś.

Krejz

Krejzowy diagram gódnoty ako krejzowe sektory pokazujo. Dłujkosć wobłuka abo płonina kuždeje sektora jo datej gódnośe proporcionalna.

Krejzowy diagram: Toś ten pódtyp sektory ako barwojte płoniny krejza pokazujo, jano za jaden datowy słup. W napóranem diagramje móžośo na sektor kliknuś a śěgnuś, aby ten sektor wót zbytnego krejza wótźěliś abo zasej z nim zwězaś.

Wuśěgnjony krejzowy diagram: Toś ten pódtyp sektory pokazujo, kótarež su južo jaden wót drugego wótźělone. W napóranem diagramje móžośo na sektor kliknuś a śěgnuś, aby jen póspóromje radialneje wóski zesrjejź krejza pśesunuł.

Kołowy diagram: Toś ten pódtyp móžo někotare datowe słupy. Kuždy datowy słup se ako koło ze źěru w srjejźi pokazujo, źož dajo se pśiducy datowy słup pokazaś. W napóranem diagramje móžośo na wenkowny sektor kliknuś a śěgnuś, aby jen pósmóromje radialneje wóski zesrjejź koła pśesunuł.

Wuśěgnjony kołowy diagram: Toś ten pódtyp wenkowne sektory pokazujo, kótarež su južo wót zbytnego koła wótźělone. W napóranem diagramje móžośo na wenkowny sektor kliknuś a śěgnuś, aby jen póspóromje radialneje wóski zesrjejź koła pśesunuł.

Diagram grěda z krejza: Toś ten pódtyp krejzowy diagram nalěwo pokazujo, ze slědnymi tśimi zapiskami w datowem słupje, kótarež su ako „zestajony“ sektor zgromaźone. Zestajony sektor jo napšawo do grědowego diagrama rozdźělone.

Diagram krejz z krejza: Toś ten pódtyp krejzowy diagram nalěwo pokazujo, ze slědnymi tśimi zapiskami w datowem słupje, kótarež su ako „zestajony“ sektor zgromaźone. Zestajony sektor se napšawo ako dalšny krejzowy diagram pokazujo.