Diagramowy typ „Seś“
Na prědnem boku diagramowego asistenta móžośo diagramowy typ wubraś.
Seś
Seśowy (abo radarowy) diagram daty ako dypki pokazujo, kótarež su pśez někotare linije zwězane, w seśi kśidna, kótaraž jo na pawcynu abo pokazanje radaroweje rory pódobna. Seśowe diagramy su wužytna móžnosć, aby wobglědowanja z pśipadneju licbu wariablow pokazali.
Za kuždy rěd datow diagrama se radialna linija pokazujo, na kótarejž se daty zwobraznjuju. Wšykne datowe gódnoty se w samskem měritku pokazuju, aby wšykne datowe gódnoty maju pśibližnje samsku wjelikosć.
Jano dypki
Toś ten pódtyp jano dypki pokazujo, kótarež su w radialnych linijach rozdźělone.
Jano dypki
Dypki a linije
Toś ten pódtyp dypki pokazujo, kótarež su w radialnych linijach a linijach rozdźělone, kótarež se mjazy dypkami samskego słupika kresle. Linije wjelerožk kresle.
Dypki a linije
Jano linije
Toś ten pódtyp jano linije mjazy gódnotami samskego słupika pokazujo. Linije wjelerožk kresle.
Jano linije
Wupołnjony
Toś ten pódtyp dypki pokazujo, kótarež su w radialnych linijach a linijach mjazy dypkami samskego słupika rozdźělone. Linije wupołnjony wjelerožk kresle.
Wupołnjony
Datowe rědy štaplowaś
Datowe rědy se w kuždej špicy štapluju a pokazuju.
Górjejce: Pokazujo datowe gódnoty kuždeje kategorije jadna nad drugeju.
Procent: Pokazujo relatiwnu procentowu sajźbu kuždeje datoweje gódnoty nastupajucy sumu jeje kategorije.