Diagramowy typ „Linija“
Na prědnem boku diagramowego asistenta móžośo diagramowy typ wubraś.
Linija
Linijowy diagram gódnoty ako dypki na Y-wósce pokazujo. X-wóska kategorije pokazujo. Y-gódnoty kuždego datowego rěda daju se pśez liniju zwězaś.
Jano dypki
Toś ten pódtyp jano dypki zwobraznjujo.
Jano dypki
Dypki a linije
Toś ten pódtyp dypki pokazujo a zwězujo dypki samskego datowego rěda pśez liniju.
Dypki a linije
Jano linije
Toś ten pódtyp jano linije zwobraznjujo.
Jano linije
3D-linije
Toś ten pódtyp dypki samskego datowego rěda pśez 3D-liniju zwězujo.
3D-linije
Markěrujśo Datowy rěd štaplowaś, aby Y-gódnoty dypkow kumulatiwnje jadnu nad drugeju rědował. Y-gódnoty južo absolutne gódnoty njereprezentěruju, mimo prědnego słupa, kótaryž se dołojce zeštaplowanych dypkow kresli. Jolic Procent wuběraśo, se Y-gódnoty ako procentowa sajźba cełkowneje gódnoty kategorije skalěruju.
Wubjeŕśo linijowy typ z wuběrańskego póla, aby póstajił, kak se maju dypki zwězaś. Móžośo pak rowne linije, gładke linije, aby kśiwanki pśez dypki kreslił pak schójźeńkowe linije wubraś, aby linije kreslił, kótarež wót dypka do dypka póstupuju. Klikniśo na Kakosći, aby kakosći za gładke abo schójźeńkowe linije změnił.