Diagramowy typ „Słupik a linija“

Na prědnem boku diagramowego asistenta móžośo diagramowy typ wubraś.

Słupik a linija

Słupikowy a linijowy diagram jo kombinacija słupikowego diagrama z linijowym diagramom.

Wubjeŕśo jadnu z wariantow

• Słupiki a linije. Pšawokuty datowych rědow słupikow se jaden pódla drugego kresle, aby mógał jich gódnoty lažko pśirownaś.

• Zeštaplowane słupiki a linije. Pšawokuty datowych rědow słupikow se jaden nad drugim zeštaplowane kresli, aby se wusokosć słupika sumu datowych gódnotow wizualizěrujo.

Móžośo drugu Y-wósku pśez Zasajźiś – Wóski… zasajźiś, za tym až sćo skóńcył asistent.

Aby datowy wobceŕk pódał:

Słupy cele nalěwo (abo smužki górjejce) wubranego datowego rěda daty bituju, kótarež se ako słupikowe objekty pokazuju. Druge słupy abo smužki datowego wobceŕka daty za linijowe objekty bituju. Móžośo toś to pśipokazanje w dialogu Datowy rěd změniś.

1. Wubjeŕśo datowy wobceŕk.

2. Klikniśo na jadno z nastajenjow za datowe rědy w smužkach abo słupach.

3. Pśeglědajśo, lěc datowy wobceŕk pópisanja w prědnej smužce abo prědnem słupje abo we wobyma ma.

Datowe rědy rědowaś

W lisćinowem pólu „Datowy rěd“ wiźiśo lisćinu wšych datowych rědow w aktualnem diagramje.

Słupikowe datowe rědy su górjejce w lisćinje, linijowe datowe rědy dołojce w lisćinje.

• Aby datowe rědy rědował, wubjeŕśo zapisk w lisćinje.

• Klikniśo na „Pśidaś“, aby dalšny datowy rěd pód wubranym zapiskom pśidał. Nowy datowy rěd ma samski typ ako wubrany zapisk.

• Klikniśo na „Wótwónoźeś“, aby wubrany zapisk z lisćiny „Datowy rěd“ wótwónoźeł.

• Wužywajśo šypkowej tłocaška ↑ a ↓, aby wubrany zapisk w lisćinje górjej abo dołoj pśesunuł. Tak móžośo słupikowy datowy rěd do lisćinowego datowego rěda a nawopak pśetwóriś. To pórěd w tabeli datowego žrědła njezměnja, ale změnja jano pórěd w diagramje.

Datowe rědy wobźěłaś

1. Klikniśo na zapisk w lisćinje, aby kakosći za ten zapisk pokazał a wobźěłał.

   W lisćinowem pólu „Datowe wobceŕki“ wiźiśo rolowe mjenja a celowe wobceŕki komponentow datowych rědow.

2. Klikniśo na zapisk, a wobźěłajśo wopśimjeśe dołojce w tekstowem pólu.

   Pópisanje pódla tekstowego póla tuchylu wubranu rolu pódawa.

3. Zapódajśo wobceŕk abo klikniśo na Datowy wobceŕk wubraś, aby dialog miniměrował a wubjeŕśo wobceŕk z myšku.

Wobceŕk za datowu rolu, ako Y-gódnoty, njesmějo pópisańsku celu wopśimowaś.

Kategorije abo datowe pópisanja wobźěłaś

• Zapódajśo abo wubjeŕśo celowy wobceŕk, kótaryž se ako tekst za kategorije abo datowe pópisanja wužywa.

Gódnoty w kategorijowem wobceŕku se ako pópisanja na X-wósce pokazuju.

Diagramowe elementy zasajźiś

Wužywajśo bok „Diagramowe elementy“ diagramowego asistenta, aby slědujuce elementy zasajźił:

• Diagramowe titele

• Legenda

• Widobne kśidnowe linije

Wužywajśo za pśidatne elementy meni Zasajźiś diagrama we wobźěłańskem modusu. Tam móžośo slědujuce elementy namakaś:

• Sekundarne wóski

• Pomocne kśidna

• Datowe pópisanja

• Statistiske pódaśa, na pśikład pśerězne gódnoty, zmólkowe grědy Y a trendowe linije

Aby rozdźělne datowe pópisanja za kuždy datowy rěd nastajił, wužywajśo dialog kakosćow datowego rěda.