3D-naglěd

Na prědnem boku diagramowego asistenta abo w kontekstowem meniju móžośo diagramowy typ wubraś.

Diagramowy pśeglěd nowym nastajenjam wótpowědujo, kótarež w dialogu zapódawaśo.

• Gaž dialog z kliknjenim na W pórěźe zacynjaśo, se nastajenja stawnje nałožuju.

• Gaž dialog z kliknjenim na Pśetergnuś abo z tłocenim tasty Esc zacynjaśo, se diagram k stawoju wrośi, kótaryž jo měł, gaž sćo wócynił dialog.

Za 3D-diagram móžośo Format – 3D-naglěd wubraś, aby perspektiwu, naglěd a wobswětlenje nastajił.

Perspektiwa

• Zapódajśo gódnoty za wjerśenje diagrama pó tśich wóskach za perspektiwiski naglěd.

Stajśo wšykne kuty na 0, aby prědkowny naglěd diagrama pokazał. Krejzowe a kołowe diagramy se ako krejze pokazuju.

Ze zmóžnjonymi pšawokutnymi wóskami móžośo diagramowe wopśimjeśe jano k X- a Y-směroju wjerśeś, to groni, paralelnje k diagramowym ramikam.

Gaž su X-gódnota na 90 a Y- a Z-gódnota na 0 nastajone, se diagram wótgórjejka pokazujo. Jolic X jo na -90 nastajony, wiźiśo diagram wótdołojka.

Wjerśenja se nejpjerwjej na X-, pón na Y- a slědkoju na Z-wósku nałožuju.

Gaž sćo zmóžnił n„wósenjenje“ a diagram wjerśiśo, se swětła wjerśe, ako by z diagramom kšuśe zwězane byli.

Wubjeŕśo kontrolny kašćik Perspektiwa, aby diagram w centralnej perspektiwje ako pśez kamerowu linsu a nic ako paralelna projekcija.

Nastajśo palnu zdalonosć z wobwjertnym pólom. Z 100 % perspektiwiski naglěd dostawaśo, źož daloka kšoma něźi poł tak wjelika wuglěda ako bliska kšoma.

Naglěd

• Wubjeŕśo šemu z lisćinowego póla.

Gaž šemu wuběraśo se kontrolne kašćiki a swětła wótpowědnje nastajaju.

• Jolic kombinaciju kontrolnych kašćikow zmóžnjaśo abo znjemóžnjaśo, kótaraž njejo póstajona pśez šemu Realistiski abo Jadnory, napórajśo swójsku šemu.

• Markěrujśo Wósenjenje, aby metodu Gouraud wužywał, aby pówjerch kreslił, howac se metoda Flat wužywa.

  Metoda Flat jadnu barwu a swětłosć za kuždy polygon nastaja. Kšomy su widobne, měke barwowe pśeběgi a spotswětła njejsu móžne.

  Metoda Gouraud barwowe pśeběgi za pózłažčejšy, wěcej realistiski naglěd wužywa.

• Markěrujśo objektowe ramiki, aby linije póspóromje kšomow kreslił.

• Markěrujśo Wukulowaśone kšomy, aby kšomy pšawokutnych formow wugłaźił.

Wobswětlenje

Nastajśo swětła za 3D-naglěd.

• Klikniśo na jaden z wósym tłocaškow, aby wusměrjone swětło zašaktował abo wušaltował.

  Pó standarźe jo druge swětło zašaltowane. Jo prědne sedmich „normalnych“, jadnakich swětłow. Prědne swětło błyšćece swětło ze swětłowymi efektami projicěrujo.

• Za druge swětło móžośo pón direktnje pód wósym tłocaškami barwu a intensitu z lisćinowego póla wubraś. Gódnoty swětłosći wšych swětłow se aděruju, wužywajśo pótakem śamne barwy, gaž někotare swětła zmóžnjaśo.

• Mały pśeglěd na toś tom rejtariku ma dwa suwaka, z kótaryma móžośo wertikalnu a horicontalnu poziciju wubranego swětła nastajiś. Swětło jo pśecej na srjejź objekta wusměrjone.

• Tłocašk w rožku małego pśeglěda nutśikowny wobswětleński model mjazy kulu a kubusom pśešaltujo.

• Wužywajśo lisćinowe pólo „Wokolinowe swětło“, aby wokolinowe swětło definěrował, kótarež z jadnakeju intensitu ku wšym směram swěśi.