Kakosći gładkich linijow

W diagramje, kótaryž linije pokazujo (linijowy abo XY-diagram) móžośo kśiwanki město rownych linijow pokazaś. Někotare nastajenja kakosći tych kśiwankow wóźe.

Linijowe kakosći

Linijowy typ

Wubjeŕśo kubiski spline abo B-spline.

Tej stej matematiskej modela, kótarejž pokazanje kśiwankow wobwliwujotej. Kśiwanki se pśez zwězowanje polynomialnych segmentow napóraju.

Kubiski spline waše datowe dypki z polynomami tśeśego stopnja interpolěrujo. Pśechady mjazy polynomowymi źělami su gładke a maju ten samski póstup a tu samsku kśiwulu.

B-spline wužywa parametrisku, interpolěrujucu křiwku B-spline. Toś te kśiwanki se pó kusach z polynomow twórje.

Rozeznaśe

Rozeznaśe póstaja, kak se maju linijowe segmenty woblicyś, aby se źěl polynoma mjazy dwěma datowyma dypkoma kreslił. Móžośo mjazydypki wiźeś, jolic na někaki datowy dypk klikaśo.

Wuša gódnota ku gładšej liniji wjeźo.

Stopjeń polynomow

Nastajśo na žycenje za B-spliny stopjeń polynomow.