Skalěrowanje

Wóźi skalěrowanje X- abo Y-wóski.

Pśistup k toś tomu pśikazoju …

Wubjeŕśo Format – Wóska – Y-wóska – rejtarik Skalěrowanje (diagram musy zasajźony byś)

Wóski se pśez LibreOffice awtomatiski skalěruju, aby se wšykne gódnoty optimalnje pokazali.

Aby wěste wuslědki dostał, móžośo skalěrowanje wóski manuelnje změniś. Móžośo na pśikład jano górne źěle słupow pokazaś, gaž nulowu liniju górjej pśesuwaśo.

Skalěrowanje

Móžośo w toś tom wobceŕku gódnoty za rozdźělowanje wóskow zapódaś. Móžośo kakosći minimum, maksimum, głowny interwal, źělny interwal a referencnu gódnotu awtomatiski nastajiś.

Minimum

Definěrujo minimalnu gódnotu za zachopjeńk wóski.

Maksimum

Definěrujo maksimalnu gódnotu za kóńc wóski.

Głowny interwal

Definěrujo interwal za głowne rozdźělenje wóskow. Głowny interwal njesmějo wětšy ako gódnotowy wobceŕk byś.

Źělny interwal

Definěrujo interwal za rozdźělenje wóskow.

Referencna gódnota

Pódawa, na kótarej poziciji se maju gódnoty póspóromje wóskow pokazaś.

Awtomatiski

Musyśo nejpjerwjej nastajenje Awtomatiski znjemóžniś, aby gódnoty změnił.

Znjemóžniśo toś tu funkciju, jolic z „kšutymi“ gódnotami źěłaśo, dokulaž to awtomatiskemu skalěrowanjeju zajźujo.

Logaritmiske skalěrowanje

Pódawa, až se ma wóska logaritmiski rozdźěliś.

Wužywajśo toś tu funkciju, jolic z gódnotami źěłaśo, kótarež se jadna wót drugeje wjelgin rozeznawaju. Móžośo logaritmiske skalěrowanje wužywaś, aby wótkłony kśidnowych linijow wóski jadnake byli, ale gódnoty maju, kótarež pśiběraju abo wóteběraju.

Nawopacny směr

Definěrujo, źož se niše a źož wušeghódnoty na wósce pokazuju. Njemarkěrowany status jo matematiski směr. To za karteziske koordinatowe systema wóznamjenijo, až X-wóska niše gódnoty nalěwo pokazujo a Y-wóska niše gódnoty dołojce pokazujo. Za polarne koordinatowe systemy jo směr matematiskeje kutoweje wóski nawopaki ako špěra źo a radialna wóska jo wótnutśika wen.

Typ

Za někotare wóskowe typy móžośo pódaś, lěc se ma wóska ako tekst abo datum formatěrowaś abo lěc se ma typ awtomatiski spóznaś. Za wóskowy typ „Datum“ móžośo slědujuce nastajenja póstajiś:

Minimalna a maksimalna gódnota, kótarejž se matej na kóńcu skale pokazaś.

Rozeznaśe dajo se tak nastajiś, aby se dny, mjasecy abo lěta ako interwalowe kšace pokazali.

Głowny interwal dajo se tak nastajiś, aby se wěsta licba dnjow, mjasecow abo lět pokazała.

Pomocny interwal dajo se tak nastajiś, aby se wěsta licba dnjow, mjasecow abo lět pokazała.