Wusměrjenje
Změnja wusměrjenje wóskow abo titelow.
Někotare nastajenja, kótarež su how nalicone, njejsu za wšykne pópisanja k dispoziciji. Dajo na pśikład rozdźělne nastajenja za pópisanja 2D- a 3D-objektow.
Pópisanja pokazaś
Pódawa, lěc se maju pópisanja wóski pokazaś abo schowaś.
Symbol Wóskowy titel zašaltowany/wušaltowany w symbolowej rědce Formatěrowanje pópisanja wšych wóskow zašaltuje abo wušaltujo.
Tekst wjerśeś
Definěrujo tekstowy směr celowego wopśimjeśa. Klikniśo na tłocaški ABCD, aby póžedany směr pśipokazał.
ABCD-kólasko
Klikniśo něźi na kólasko, aby tekstowy směr definěrował. Pismiki „ABCD“ na tłocaškoju nowemu nastajenjeju wótpowěduju.
ABCD-tłocašk
Pśipokazujo wertikalny tekstowy směr za celowe wopśimjeśe.
Jolic wertikalne pópisanje X-wóski definěrujośo, se snaź tekst pśez liniju X-wóski wótrěznjo.
Stopnje
Zmóžnja wam, wusměrjeński kut manuelnje zapódaś.
Tekstowy běg
Póstaja tekstowy běg datowego pópisanja.
Pózakšyśe
Pódawa, až tekst w celach smějo druge cele pózakšyś. To móžo pśedewšym wužytne byś, jolic jo njedostatk městna. Toś to nastajenje njejo z drugimi titelowymi směrami k dispoziciji.
Pawza
Zmóžnja tekstowe łamanje.
Slědujuce nastajenja njejsu za wšykne diagramowe typy k dispoziciji:
Pórěd
Nastajenja w toś tom rejtariku su jano za 2D-diagramy k dispoziciji, pód Format – Wóska – Y-wóska… abo X-wóska…. W toś tom wobceŕku móžośo wusměrjenje licbowych pópisanjow za X-wósku abo Y-wósku definěrowaś.
Kachlickowaś
Rědujo licby na wósce jadnu pódla drugeje.
Wusoko-dłymoko pśestajony
Rědujo licby na wósce pśestajone, rowne licby niše ako njerowne licby.
Dłymoko-wusoko pśestajony
Rědujo licby na wóskach pśestajone, njerowne licby niše ako rowne licby.
Awtomatiski
Rědujo licby awtomatiski na wósce.
Mógu problemy pśi pokazowanju pópisanjow nastaś, gaž wjelikosć wašogo diagrama jo pśemała. Pówětšćo naglěd abo pómjeńšćo pismowu wjelikosć, aby se togo wobinuł.
Tekstowy směr
Pódajśo tekstowy směr za wótstawk, kótaryž kompleksne tekstowe wugótowanje (CTL) wužywa. Funkcija jo jano k dispoziciji, jolic pódpěra za kompleksne tekstowe wugótowanje jo zmóžnjona.