Pomoc za LibreOffice 24.8
Móžośo wóski z kśidnowymi linijami do wótrězkow rozdźěliś. To wam zmóžnja, lěpšy pśeglěd wo diagramje dostaś, pśedewšym, jolic z wjelikimi diagramami źěłaśo. Głowne kśidno Y-wóski jo pó standarźe zmóžnjone.
Definěrujo wósku, kótaraž se ma ako głowne kśidno nastajiś.
Pśidawa X-wósce diagrama kśidnowe linije.
Symbol Wertikalne kśidna na symbolowej rědce Formatěrowanje kśidno X-wóski pokazujo resp. chowa. Dajo tśi móžnosći: žedno kśidno, głowne kśidno a głowne a pomocne kśidno. Změna buźo se na kontrolne kašćiki w Zasajźiś – Kśidna wustatkowaś.
Pśidawa Y-wósce diagrama kśidnowe linije.
Symbol Horicontalne kśidna na symbolowej rědce Formatěrowanje kśidno Y-wóski pokazujo resp. chowa. Dajo tśi móžnosći: žedno kśidno, głowne kśidno a głowne a pomocne kśidno. Změna buźo se na kontrolne kašćiki w Zasajźiś – Kśidna wustatkowaś.
Pśidawa Z-wósce diagrama kśidnowe linije. Toś to nastajenje jo jano k dispoziciji, gaž z 3D-diagramami źěłaśo.
Wužywajśo toś ten wobceŕk, aby za kuždu wósku pomocne kśidno pśipokazał. Gaž wósce pomocne kśidna pśipokazujośo, se wótkłon mjazy głownymi kśidnami reducěrujo.
Pśidawa kśidnowe linije, kótarež X-wósku do mjeńšych wótrězkow rozdźěluju.
Pśidawa kśidnowe linije, kótarež Y-wósku do mjeńšych wótrězkow rozdźěluju.
Pśidawa kśidnowe linije, kótarež Z-wósku do mjeńšych wótrězkow rozdźěluju. Toś to nastajenje jo jano k dispoziciji, gaž z 3D-diagramami źěłaśo.